3.3.1 Ang Karapatang Makasama sa Proseso ng Edukasyon

Sa ilalim ng batas ng estado, may karapatan ang mga magulang/tagapatnubay ng estudyante makasama sa prosesong pang-edukasyon at magka-akses sa sistema sa ngalan ng kanilang  anak. 

Nakabalangkas ang mga karapatang ito sa Kodigo sa Edukasyon ng CA 51101, at kasama rito ang karapatan na: Gumawa ng obserbasyon sa klasrum; Makipagpulong sa Guro; Magboluntaryo; Magkaroon ng abiso ukol sa hindi pinahihintulutang pagliban; Magkaroon ng Abiso ukol sa pagganap sa estandardisadong mga eksame; Humiling ng espesipikong paaralan; Magkaroon ng ligtas na kapaligiran ng paaralan;  Mapag-aralan ang materyales sa kurikulum; Magkaroon ng abiso ukol sa mga akademikong inaasahan sa estudyante at akademikong pag-unlad; pagkakaroon ng paraang makakuha ng rekord ng estudyante at makapagtanong ukol sa nilalaman nito; Makaroon ng abiso ukol sa mga patakaran ng paaralan; Magkaroon ng abiso at magbigay ng pahintulot ukol sa mga eksameng sikolohikal; Makalahok sa mga konseho at komite; Magkaroon ng abiso sa takdang panahon kung may panganib na mapanatili sa grado (retention) ang estudyante. 

Ang Batas para sa Balikatang Pamilya-Paaralan (Family-School Partnership Act) ay batas na nagpapahintulot sa mga magulang, lolo at lola, at mga tagapag-alaga na lumiban sa trabaho mula sa ilang taga-empleyo para makalahok sa mga gawain sa paaralan o pangangalaga ng kanilang anak. May matatagpuang karagdagang impormasyon tungkol sa Mga Karapatan ng mga Magulang sa www.sfusd.edu/services/know-your-rights/parent-rights at sa www.sfusd.edu/services/know-your-rights/parent-rights; www.cde.ca.gov/ls/pf/pf.

Pagtu-tutor o Pribadong mga Leksiyon

Hindi puwedeng bigyan ng trabaho ang mga empleyado bilang tutor at hindi rin sila puwedeng magkaloob ng mga pribadong leksiyon sa estudyanteng naka-enroll sa paaralan kung saan nakatalaga ang empleyado. Sinumang empleyado na gustong mag-tutor o magkaloob ng serbisyo sa estudyanteng nasa ibang paaralan ay kailangan munang humiling ng awtorisasyon mula sa kanyang superbisor.  Polisiya ng Lupon ng SFUSD 4036)