6.3.3 Mga Hindi Pinahihintulutang Suspensiyon

1. Panggagambala o Sadyang Pagsuway

Walang estudyante na tatanggap ng suspensiyon o rekomendasyon para sa expulsion o mapatatalsik nang dahil lamang sa panggagambala o sadyang pagsuway sa ilalim ng Kodigo sa Edukasyon ng CA 48900(k). (Resolusyon para sa Ligtas at Nagbibigay-Suportang mga Paaralan)

2. Pagbubulakbol, Pagkahuli sa Klase o Hindi Pagpasok sa Klase

Hindi maaaring ipataw ang suspensiyon at expulsion para sa pagbubulakbol, pagkahuli sa klase at hindi pagpasok sa klase. Gagamitin ang mga alternatibo sa suspensiyon o expulsion sa mga estudyante na bulakbol, nahuhuli, o kung hindi man ay lumiliban sa mga nakatakdang gawin sa paaralan. (Kodigo sa Edukasyon ng CA 48900(w))

3. Kodigo sa Pananamit/Uniporme 

Hindi gagamitin ang suspensiyon o expulsion bilang parusa para sa paglabag sa a kodigo sa pananamit, patakaran sa pagsusuot ng takip sa ulo, o patakaran sa pagsusuot ng uniporme.

4. Mga Suspensiyon na Walang Dokumentasyon

Ipinagbabawal at labag sa batas ang lahat ng suspensiyon na walang dokumentasyon. Hindi tatanggalin ang mga estudyante sa isa o mahigit pang panahon ng klase (class period) o pauuwiin bago ang pagtatapos ng aaraw ng pagpasok nang dahil sa pagdidisiplina nang hindi sumusunod sa itinakdang nararapat na proseso ng paggawa ng dokumentasyon ayon sa pagkakabalangkas sa ibaba.