Toe foi i le Aoga 2023-24

Tamaiti ma Aiga SFUSD e,

Ua ou fiafia ia talia ou fanau aoga i le aoga i le Aokuso 16, 2023. Ao faalatalata mai le tausaga aoga fou, ua ou lagona le olioli ma le faamoemoe, ma ua ou fiafia lava o le a maua le avanoa ia asiasi atu i vasega ma feiloai ma ou fanau aoga.

Ua pisi imatou i le sauniuni mo le toe foi mai le malologa o le tau vevela. Faamolemoe sei faitau i lalo mo ni faamatalaga taua ia fesoasoani i lou aiga ia sauniuni mo le aso muamua o le aoga.

Sauniuni mo le Aoga

E tusa po ua fia tausaga, o suiga e mafai ai ona faatulai mai le tele o lagona ma o le toe foi mai i le aoga, poo le amataina mo le taimi muamua, o le suiga tele mo soo se tamaitiiti. E taua lava ia faaauau ona onosai ma galulue faatasi aiga ma tamaiti aoga ia lagolago le tasi i le isi. I le itulau 8 ua matou faaaofia ai ni fesoasoaniga mo le saunia faatasi ma lou alo mo le toe faasologa i le aoga.

Saogalemu ma le Soifua Maloloina

O le saogalemu o a matou tamaiti aoga ma le au faigaluega e tumau ona avea ma le faamuamua maualuga i SFUSD. Ua matou fiafia lava ia fauina ni sootaga malosi i a matou aoga ina ia mafai ona aoao a matou tamaiti aoga i siosiomaga saogalemu ma faafailele.

Ma le isi mea, o le tatou faiganuu i San Francisco ua lelei le taumafaiga ia maua le tui puipui. O tui puipui manaomia o le vaega taua o le puipuia o lou alo ma lo matou faiganuu mai gasegasega matuia. Sei aoao atili e uiga i le auala ia tausia ia maloloina lou alo ma o tatou faiganuu faaleaoga i le itulau 4.

Fomu

E ui ina fou ma eseese ni isi o tulaga, o le a tumau pea ni isi mea i le tulaga sa iai: e faatasi ma le oo mai o tausaga aoga taitasi e iai fomu taua e manaomia ona faaputuputuina mai i lau susuga. Ina ia maua atu i le lisi o fomu, le auala e maua atu i ai, ma toe faafoi mai ai, sei tagai i le itulau 2.

Fesootaiga ma Faiga Paaga ma Aiga

O tagata uma i le tatou faiganuu o SFUSD ua saunia ia fai ma paaga ma lau susuga i le auauna atu i o tatou tamaiti aoga. Sei aoao e uiga i ni isi o auala e mafai ona e aafia i le lagolago i le aoaoga o lou alo i le itulau 3. O avanoa ia aafia i ni isi gaoioiga i le nofoaga aoga o lou alo ma i le itu aoga e maua i le itulau 6.

Ou te tepa atu i le lumanai ma le fiafia i le avanoa ia lagolago i vasega ma aoga olioli e mafai ona aoao ma tuputupu ae i ai o tatou tamaiti aoga.

Ma le faaaloalo,
Dr. Matt Wayne, Superintendent

O le aso muamua o le aoga o le Aokuso 16, 2023.

Sei faauma lenei lisi o mea e fai ao lei oo i le aso muamua o le aoga:

• Faamautinoa ua ausia e lou alo tulaga manaomia uma mo le soifua maloloina ma ua maua atoatoa tui puipui uma lava. Sei alu i le sfusd.edu/HealthRequirements mo ni faamatalaga faaopoopo.
• Faatumu lau Kata o Tagata e Fesootai i Taimi o Faalavelave Faafuasei ina ia mafai ona matou fesootai ma lau susuga pe a faapea e tupu mai se faalavelave faafuasei. Alu i le sfusd.edu/EmergencyCard mo ni faamatalaga faaopoopo.
• Lafo mai le Fomu o le Tupe e Maua e le Aiga mo ni Faamoemoe e Lua pe Sili atu (MFIF) SFUSD 2023-2024 i le SchoolCafe.com ina ia agavaa mo penifiti aoga, fesoasoani i le faateleina o tupe e maua mo mea aoga i potu vasega, tupe e maua e le au faigaluega o le aoga, ma ni isi o tulaga e lagolago i le aoaoing a lou alo. Sei alu i le sfusd.edu/MFIF mo ni faamatalaga faaopoopo.
• Faatumu le fomu o le faailoaina le malamalama i luga o le ParentVUE ia faamautinoa ua e maua faamatalaga e maua i le itulau 3 o lenei tusi e uiga i le auala e maua atu i le Tusitaulima SFUSD mo Tamaiti Aoga ma Aiga. Sei alu i le sfusd.edu/acknowledgements mo ni faamatalga ma vitio faatonu faaopoopo.
• Faafou ou faamatalaga fesootaia i luga o le ParentVUE ia maua atu i faailoga taua i luga o le telefoni, imeli, ma text mai lou aoga ma SFUSD. Sei alu i le sfusd.edu/ContactInfo mo ni faamatalaga ma vitio faatonu faaopoopo e uiga i le faafouina o ou faamatalaga fesootaia i luga o le ParentVUE.

O le Tusitaulima o le fesoasoaniga taua mo lau susuga ma (l)ou alo aoga SFUSD. E aofia ai faamatalaga e uiga i aia tatau faaletulafono, fesoasoaniga mai SFUSD, ma faamoemoega mo tamaiti aoga SFUSD i tulaga faaleaoga ma le amioga. Sei vaai atu pe download le Tusitaulima i luga o le initoneti i soo lava se taimi i le sfusd.edu/handbook.

Ina ia talosagaina le kopi pepa o le Tusitaulima, sei faatumu lenei Fomu Google i le sfusd.edu/printHB-sm, pe vili atu i le Student Family School Resource Link i le 415-340-1716, Aso Gafua-Aso Faraile, 9 a.m.-12 p.m. ma 1-3 p.m. Faamolemole sei matauina e le faafouina le Tusitaulima i lona atoaga i tausaga taitasi; o le aotelega faaopoopo o le a avanoa i tausaga taitasi ia faaali mai suiga/faaopoopoga.

Faamolemole sei matauina e ono faaaluina le 6-8 vaiaso ia matou meli atu le kopi pepa i lau susuga.

O le ParentVUE o le portal i luga i le initoneti ua faamaonia e SFUSD e ofoina le avanoa saogalemu ma tumaoti i faamatalaga faaleaoga o lou alo aoga, e aofia ai:

• Togi ma kata lipoti: Vaai atu i mea aoga, tulaga o le alualu i luma, togi o le semesa (aoga ogatotonu ma aoga maualuga), ma kata lipoti.
• Talosaga apalai ma fomu i luga o le initoneti: Sei apalai i aoga SFUSD, ma lafo mai fomu ma pepa manaomia e pei o faamaumauga o tui puipui ma lau kata mo faalavelave faafuasei.
• Auai: Vaai atu i le tulaga o le auai o lou alo aoga.
• Fesootaiga mai le itu aoga ma le aoga: Aoao e uiga i le auala ia faafouina faamatalaga fesootaia i le sfusd.edu/ContactInfo ina ia faamautia o le a e maua faailoga taua mai le aoga ma le itu aoga.
• O faamatalaga e login lou alo aoga: Vaai atu i faamatalaga e login ai lou alo i polokalame aoao SFUSD i luga o le initoneti.

Faaoloa i lou account e ala i le alu i le sfusd.edu/activate pe aoao atili i le sfusd.edu/ParentVUE.

Tui Puipui Manaomia

Sei faamautinoa ua maua atoatoa lou alo aoga i tui puipui manaomia uma mo le aoga ao lei pasi le Aokuso 16. O le tulafono faalesetete (bit.ly/CAVaccineLaw) e manaomia ia maua ai tamaiti Kalefonia i ni tui puipui faapitoa ina ia mafai ona auai i le aoga. E manaomia aoga ia faamalosia nei tulaga manaomia, faatumauina faamaumauga o tui puipui, ma lafo atu ni lipoti. E ono manaomia ona faatalitali mo se avanoa mo lou fomai ia maua atu i tui puipui, o lea sei amata i le vave e mafai ai. Mo ni faamatalaga faaopoopo, sei alu i le sfusd.edu/immunizations.

Suega faaletino mo soo se tamaitiiti TK, kindergarten, poo le vasega muamua

O lenei faamatalaga e tatau ona tuuina atu i soo se taimi ao lei oo i le vasega muamua. O le aso o le suega faaletino e le tataou ona muamua atu i le 6 masina ao lei amataina le tausaga aoga. O se asiasiga faapitoa ma se fomai e taulia pe a mafai e le fomai ona faatumu le fomu faalesoifua maloloina e faatatau i le asiasiga faapitoa. Sei download Fomu Faasoifua Maloloina i le Aoga ma le Soifua Maloloina Faanifo.

Soifua Maloloina Faanifo (Asiasiga ma se Fomai Nifo)

E faapea mai tulafono a Kalefonia (Education Code Section 49452.8) e tatau i lou alo ona siaki nifo i le aso 31 o Me o lona tausaga muamua i aoga a le malo. O se tagata tomai i le fomai nifo e laiseneina e Kalefonia e galue i totonu o lona tulaga masani e tatau ona faia le siaki ma faatumu le Vaega 2. Afai sa faia se siaki nifo o lou alo i le 12 masina ao lei amata le aoga, fai i lau fomai nifo e faatumu le Vaega 2. Afai e le mafai ona e faia se siaki nifo mo lou alo, sei faatumu le Vaega 3.

O le saogalemu o lou alo aoga e pito sili ona taua ia SFUSD.

O le Say Something Anonymous Reporting System (SS-ARS) ua avanoa mo le faaaogaina mo tamaiti aoga SFUSD Vasega 6 e oo i le 12 i vasega ogatotonu, K-8, ma aoga maualuga talu mai le 2022. O tamaiti aoga i aoga na faalauiloa le polokalame e mafai ona lipoti ai soo se popolega. O atugaluga ogaoga e uiga i tamaiti aoga atonu o loo tauivi pe ono faalavelave.

I se faalavelave faafuasei i le aoga a lou alo aoga, aoao pe faapefea ona matou logoina aiga. Ina ia mautinoa e mafai ona matou fesootaia lau susuga, ia mautinoa o au faamatalaga fesootai e sao i le ParentVUE ma e sao lau kata mo tulaga faafuasei.

E saunia e SFUSD le felauaiga saogalemu ma faatuatuaina e agai i le aoga ma le toe momoli atu i le maota mo tamaiti aoga ma gaoioiga agavaa, e aofia ai ma nei tulaga:

• Felauaiga mai le auala savali i luma o le maota i le auala savali i luma o le aoga mo tamaiti aoga ua iai le IEP
• O tietiega pasi mo le Aoaoga Lautele e faamuamua i tamaiti aoga taulaia, ma ni avanoa e tusa ai ma tulaga manaomia
• Lagolago mai le au faigaluega o le nofoaga mo le fuafuaina ma le faatulagaina o taimi mo Malaga a le Aoga
• O felauaiga pasi mo faigamalaga totogia, afeleti, ma polokalame faatufugaga

Sei alu i le sfusd.edu/transportation mo ni faamatalaga faaopoopo. Mo fesili lagolago e uiga i le felauaiga, faamolemole sei imeli atu i le au Felauaiga o SFUSD i le transportation@sfusd.edu.

Muni

O le a faaauau ona faaaluina e le SFMTA ana “school trippers” i le tautoulu. E feiloai nei pasi ma tamaiti aoga i le faaiuga o le aso aoga e latalata i ni isi o aoga ogatotonu ma aoga maualuga e sili ona tele i le aai.

O le a faaauau e Muni lana polokalame o le Muni e Maua Fua mo le Autalavou. O tamaiti talavou e lei oo i le 19 o tausaga o le a mafai ai ona tietie i le Muni e aunoa ma se faamaoniga o le totogia. Mo ni faamatalaga faaopoopo e uiga i le Muni e Maua Fua, sei alu i le sfmta.com/FreeMuni4Youth.

Ona o le California Meals for All, o le a faaauau ona ofo atu fafaga o le aoga e aunoa ma se tau mo tamaiti aoga uma i le tausaga aoga o le 2023-24. E le manaomia se talosaga apalai mo tamaiti aoga ia maua atu i le fafaga o le taeao ma le fafaga o le aoauli i aso taitasi e aunoa ma se tau.

Sei tagai i le faasologa o logo a lou aoga ia silafia i taimi e saunia ai fafaga. E masani ona avanoa fafaga o le taeao i le 20-30 minute ao lei amata ai vasega muamua o le taeao.

Sei sefeina ni taimi ma tupe e ala i le faaaogaina o fafaga mai le aoga e maua fua ai! O lou aafia e faatumauina ai tupe faalemalo iinei San Francisco ma e lagolago i faaleleiga i le polokalame o fafaga faaleaoga mo tamaiti aoga uma.

• Sei aoao atili e uiga i fafaga aoga maloloina i le sfusd.edu/SchoolFood.
• Pe manaomia lou aiga le mea tausami? Vili atu i le 311 ia maua atu i ni isi o avanoa mo le mea tausami e aunoa ma se tau.

Ua ia imatou ni sini fiasili mo tamaiti aoga o aoga lautele o San Francisco. O le Board of Education Parent Involvement Policy 6020 (sfusd.edu/BP6020) e iloaina o aiga o faiaoga muamua ma sili ona faatosina ma o le aafia pea i le aoaoga o a latou fanau e fesoasoani tele i le ausia o tamaiti aoga ma le siosiomaga lelei mo le aoga.

Ua iai i SFUSD kulupu fautuaina mai le itu aoga ma le nofoaga aoga atoa ma le faiganuu o e e aumai ni manatu eseese ia maua atu i le fuafuaga fefaasoaai e sili ona atoatoa mo le faaleleiga o aoga. O au fono fautuaina ma komiti e sili ona aoga e faaaoga ai faamatalaga ma le poto masani ma o latou aoga ia taitai atu i le faiga o filifiliga. E faia e ilatou le taumafaiga taulaia ia ausia le aafia faamaonia o au faiagaluega ma aiga, galulue faatasi ma pule aoga ma faiaoga, ma atiina ae ni fuafuaga e iloilo pea ia faamautinoa le aoga.

• Aoao e uiga i au fono fautua ma fesoasoani: sfusd.edu/AdvisoryCouncils
• Aoao e uiga i ou aia tatau i le avea ai ma matua: sfusd.edu/ParentRights

Mo nisi fa'amatalaga, alu ile sfusd.edu/directory.

O le toe foi atu i le aoga poo le amataina o le aoga mo le taimi muamua e mafai ona tulai mai ai le popole ma le fiafia mo tamaiti. Sei iloilo i nei fesoasoaniga mo le lagolago i ou alo ao latou amata le tausaga aoga fou.

• Sauni: Faataitai ni faiga masani e pei o le filifilia o ofu e faaofu ai ao lei amata le aoga. Sei sui le faasologa o taimi o le moe pe a manaomia ai ao lei oo mai le aso muamua o le aoga.
• E mafai ona Valoia ai: Faatuina ni faasologa o taimi e masani ma faigofie mo le vaiaso aoga. Sei faia se lisi o mea e aumai i le aoga.
• Onosai: O le iai o le onosai ao faasolosolo lau susuga ma ou alo, ona e ono iai ni isi suiga o amioga e mafua i le mamafa o le mafaufau poo le popole.

Ma aua nei galo ia fai se faafiafiaga!

E iai tele o auala ia fesootai pea ma SFUSD:

• Talosagaina le Salalauga o Faamatalaga (FAB) e fai i vaiaso taitasi i le sfusd.edu/FAB.
• Talosagaina le tusi o tala fou mo aiga i masina taitasi i le sfusd.edu/FamilyNewsletter.
• Sei alu i le matou upega tafailagi i le sfusd.edu. Maua atu i le upega tafailagi o le aoga o lou alo e ala i le alu atu i le sfusd.edu/SchoolDirectory.
• Fesootai pea e ala i le ParentVUE (sei tagai i le itualu 3 mo ni faamatalaga faaopoopo).

Ua iai imatou i luga o le Facebook, Twitter, ma le Instagram i le @SFUnified. Mulimuli mai ia imatou i luga o le Facebook i le Faasipaniolo i le @SFUSDenEspanol.