Tala Fa’aopopo i San Francisco mo le KOVITI-19

Mo Aiga uma ole SFUSD,

E pei ona lapata’i mai e nisi ua lava le tomai ma le agavaa i tulaga tau soifua maloloina, o lo’o iai pea le taufa’amata’u mai le KOVITI-19 ma e le’i mautinoa lelei ua mae’a, ae ona ole talitonuga ua lava tapena lelei o tatou tagata atoa ai ma matagaluega eseese ole soifua maloloina, e ala i aupega e ono togafitia ai le fa’ama’i ma tui puipuia uma, ua mafai ai ona fa’aitiitia le pepesi ma le fa’asalalauina o lenei fa’ama’i. O le’a ua a’e ai se manatu, o lo’o gafatia lelei e San Francisco se isi fa’alavelave e ono tulai mai ona ole to’atele nauā o tagata ua maua tui puipuia ma tui fa’aopopo, aemaise ai auala eseese ua mafai ai ona foia ma fai ma vaifofo ole KOVITI-19.

O Fa’atonuga fou fa’alesoifua maloloina ua aveese ai nei le malelega e pei ona iai le fa’anofoesea ma le nofo to’atasi i San Francisco, isolation and quarantine directive ina ia auga tutusa lelei ma fa’asilasilaga mai le Matagaluega ole Soifua Maloloina i Kalefonia po’o le (CDPH)

O a ni suiga

• Ole taiala fou guidance ua suia ai nei manaoga sa iai mo le tuuesea ma le fa’anofoto’atasi mo le lautele o tagatanuu o San Francisco, ua suia ile fautuaga.
• So’o se isi lava ua mautinoa le a’afia ile KOVITI-19, (auala mai i ni iuga o suega ole fa’ama’i po’o le falema’i), tusa lava po’o ua mae’a ona faia tui puipuia, e tatau ona fa’aaogaina taiala mo le fa’anofoesea e pei ona tau’a ile CDPH guidance.
• So’o se isi lava ua mautinoa ua a’afia ile KOVITI-19 po’o ua fa’alagonaina ni a’uga ona o se fesootaiga vavalalata ma se isi tagata o lo’o a’afia ile KOVITI-19, fautuaina malosi le mulimulita’i i taiala mai le CDPH, ma e tatau ona fa’anofoesea pe’a afai ua mautinoa lona a’afiaga. 
• Ole a fa’amutaina le Laina Lagolago mai le SFUSD mo le KOVITI-19 ma le covidreporting@sfusd.edu ia Mati, 31, 2023.
• Ole a lē toe fa’afoua le COVID-19 Testing Dashboard ma fa’amuta ia Mati, 31, 2023.
• Ole a fa’amuta foi e le SFUSD lana auaunaga mo le COLOR self-swab molecular test kits (su’esuega mo le KOVITI) ia Mati,  24. 2023. Ole aso mulimuli e maua ai nei pepa suega mai aoga o Mati,17, 2023 ma Mati 24 mai le ofisa tutuonu ile 555 Franklin Street.

E tumau pea

• Pusa ma Pepa suega (Over-the-counter,OTC) mo le fa’ama’i e pei ona saunia mai e le CDPH mo fanau aoga, ma ole a tufatufaina atu i aoga uma se ia o’o ia Iuni 2, 2023.
• E tumau pea le taulogologo ina ia faia pea ufifofoga, ae le fa’amalosia i aoga uma ma ofisa uma a le SFUSD.  Tuu atu le faitalia i fanau, aiga ma le aufaigaluega asiasi mai ile faia po’o le lē faia o ni ufifofoga.
• Tumau pea le taulogologo atu ma le fa’asoa ma aiga i punaoa eseese e maua ai tui puipuia i San Francisco, fa’aauala atu i luga o a’upega tafailagi, lomiga fou ma le imeli.
• Tuuavanoa i aoga uma ole SFUSD mo se avanoa e fa’atu ai ni falema’i fa’aleitumalo mai le SFDPH mo tui puipuia ole KOVITI-19 i aoga ma nofoaga uma a le SFUSD.
• A’o fotua’i mai pea nisi o suiga e fa’atatau ile KOVITI-19, e tumau pea la matou ta’utinoga i a’ai ma alalafaga ua fa’asilisili ona a’afia  i lenei vairasi. E fa’aauau pea la matou galuega faifa’atasi  ma le Matagaluega ole Soifua Maloloina e ala lea ile taulogologo atu pea, ma fa’asoa atu lea o nisi o punaoa e fa’atatau ile KOVITI-19ma auala e maua ai tui puipuia, tui su’esu’e, ma vaifofo,  aemaise lava mo i latou o lo’o manaomia lenei auaunaga.

Ma le ‘ava tele, 
Dr. Matt Wayne, Pule Sili