3.5 Aoaoga faapitoa

O Aoga Fa’apitoa, e patino lona a’oa’oina ma lona galueaina mo fanau uma o lo’o iai manaoga fa’pitoa ina ia atinaeina i se tulaga e talafeagai ma i latou ona o ni vaivaiga po’o le le atoaatoa lelei ole malosi fa’alemafaufau aemaise la le tino. 

E iai la auaunaga mo ala e vave fa’afesootaia ai fanau laiti ma pepe, po’o fanau o lo’o tau amata i aoga amata se ia oo i fanau mai le K-12, ma isi auaunaga mo fanau o lo’o fa’agasolo atu i isi laasaga ole olaga mai le 22 tausaga ole matua. 

Mo fanau uma o lo’o ia i Polokalama ole A’oa’oina Fa’apitoa, e fa’atatau a’oa’oga ile silapasi autu. E fa’amaumau uma e le vaega ole IEP auaunaga ma teuteuga, tulaga tau a’oa’oina atoa ai ma isi ala fesoasoani ua mafai ona fa’atinoina ai lenei auaunaga ina ia ausia uma manaoga mo lou alo. 

E tuuavanoa le Ofisa o Aoga Fa’apitoa i soo se ala e mafai ai ona tautua ma fa’atinoina auaunaga eseese e sapasapaia ai aoga uma, aiga ma pitonuu, ina ia sao ma uli le fa’amoemoe ole lagolagoina o lou alo a’o iai ile aoga.

O lo’o galulue pea le Matagaluega o Aoga i San Francisco ina saili ma fa’amautuina uma fanau o lo’o maua ile le atoaatoa ole malosi la le tino ma le mafaufau, se ia oo ile 22 tausaga ole soifua, ina ia maua uma auaunaga e talafeagai mo manaoga eseese mo fanau nei, ma fa’atinoina auiliiliga e gafatia ma fa’amautinoina ai le iai o auaunaga mo fanau ma aiga uma.

Ole tautinoga, ina ia tuusa’oloto ma tuuavanoa le a’oa’oina o fanau uma ole matagaluega o lo’o iai le le atoaatoa ole malosi la le tino ma le mafaufau e aunoa ma se totogi’ina (FAPE), i se si’osi’omaga saogalemu (LRE), e pei ona ofoina mai i tulafono a le feterale ma le sitete.