3.6.6 Aia o Fanau Aoga Leai ni Pepa Faamaonia

O le Itumalo Aoga Tuufaatasi a San Francisco o se malutaga saogalemu lea mo fanau aoga uma e tusa lava po o le a le latou tulaga tagatanuu.  O looi ai ni aia o fanau aoga uma e auai i le aoga e tusa lava lo latou tulaga pepa faamaonia po o le tulaga foi o le latou aiga.  O fanau aoga uma, pe a latou agavaai faatonuga a le setete ma le feterale, o loo agavaa e mauaina se meatausami maua fua/faalaiti o tau, faigamalaga ma isi fesoasoani faaleaoga.  (Tulafono a le Komiti SFUSD 5145.10 Puipuiga o Aia o Fanau Aoga Leai ni Pepa Faamaonia; Iugafono a le Koiti SFUSD No. 74-24A2 "Tautinoga o le Komit Aoga SF i Aoga o Fanau Faimalaga Mai ma Tetee i Osofaiga Faatoa Tupu Nei a le ICE;" Iugafono ale Komit SFUSD No. 171-10A1 "Leai Ni Pepa Faamaonia, Le Fefe, Tuufaatasi”).  O loo tuuina mai e le tulafono ma faiga faavae iugafono a le Itumalo nai faamatalaga nei:

1. Avanoa o Faamauamu po Faamatalaga: O le a le fesiligia e se tagata faigaluega a le Itumalo le tulaga pepa faamaonia o tagatanuu a le fanau aoga, e aofia ai le fesiligia o pepa faamaumau tau tulaga faamaonia o tagatanuu a le fanau aoga, e pei o talosagaina o se green card, pepa faamaonia po numera social security. E le faatagaina se tagata faigaluega a le Itumalo e sueina/tausi soo se faamatalaga e uiga i le tulaga faaletagatanuu o se tama aoga i le faamaumauga tusia a lea tama aoga.  O le a tuuina atu soo se talosaga mai le Aufaigaluega a le ICE mo faamatalaga o fanau aoga i le Ofisa Faaletulafono e faamautinoa ai le usitai i tulafono a le setete ma le feterale.  O le usitaiga i soo se faatonuga mai le ofisa faamasinoga o le a taofiofi lava lea i le faaupuga o lea faatonuga.
2. Avanoa mo Fanau  Aoga i le Aoga: Ua faatulagaina e le Komiti Faaleaoga le i ai o ni Aufaigaluega mai le Ofisa Immigration po o ni latou Sui i le aoga o se mafuaaga lea mo faalavelaveina o faagasologa faaleaoga.  O le me lea, o soo se Aufaigaluega mai le Ofisa Immigration po o ni latou Sui o loo fia ulufale atu i soo se aoga a le SFUSD e tatau ona latou logoina muamua le Ofisa a le Pule Aoga po o le Ofisa Faaletulafono e uiga i le latou faamoemoe, ma se taimi o loo lava aua o se taumafaiga o le Itumalo e sauniunia mo le saogalemu faaletino ma faalemafaufau o fanau aoga ma aufaigaluega; ma tuuina se avanoa mo le Pule Aoga ma Le Ofisa Faaletulafono e vaavaaia le talosaga ma fuafua po o tatau ona tuuina atu se faagoi. 
   • O le a talosagaina soo se Aufaigaluega Immigration po o ni latou Sui o loo faafesootaia sao le aoga e faafesootai le Ofisa Tutotonu a le SFUSD i le 555 Franklin e mauaina mai se faagoi e ulufale atu i le aoga mai le Ofisa a le Pule Aoga po Ofisa Faaletulafono.  O Aufaigaluega Immigration po ni latou Sui ua le finagalo e alu ae i le Ofisa Tutotonu o le a faatonuina ia latou nofomau i le ofisa/ eria faatali o le aoga a o vaavaaia e le Ofisa Tutotonu le talosaga.  
   • O le faamoemoe, e tatau ona usitai le Aufaigaluega Immigration po o ni latou Sui i le Taualumaga Faatonuga o le latou Matagaluega ma le taofiofiga e uiga i le latou avanoa mo la aoga po fanau aoga foi.  Peitai, e faaopoopo atu i le latou usiusitai, o le vaavaaiga o le Ofisa a le Pule Aoga po o le Ofisa Faaletulafono o le a ia puipuiga le tumaoti a le fanau aoga ma taofiofi le ulufale atu i le tulaga sili ua faatagaina e le tulafono. 
3. Faagasologa pe a Faapea Ua Pueina Matua po Faafoi i le Latou Atunuu: A faapea ua iloaina e le aoga ua pueina/ faafoiia le matua/tausi a le tama aoga i le latou atunuu, o le a faafesootaia e le aoga numera uma i totonu o pepa faalavelave faafuasei a le tama aoga e faailoaina se aiga po tausi ua faagoi e vaaia le tama aoga a o le i ai le matua.  O loo taua tele le sao o faamatalga i totonu o pepa faalavelave faafuase a le fanau aoga ma aolia ai faamatalaga faafesootai mo aiga po tausi uma ua faagoi e vaaia le tama aoga.
4. Punaoa Tutotonu Tuuina Atu:  O le a faatuina ma faateleina e le Itumalo ni punaoa tutotonu o loo i ai ni tomai faapitoa e fesoasoani atu i fanau aoga o loo leai ni pepa faamaonia ma aiga, e lavea ai ae le faagata mai foi i lona aoaoina o tagata faufautua ma faiaoga i le galue faatasi ma fanau aoga ua leai ni latou pepa faamaonia ma le latou aiga i mataupu e pei o aia mo ulufale atu i univesiti, fesoasoani faaletupe mo le univesiti, galuega ma avanoa faalegaluega, mo nisi mataupu o le a tulai mai; faapotopotoina ma tuuina atu faamatalga e uiga i avanoa o togi, aoaoga i fale faigaluega o loo le manaomia i ai se numera social security; tuuiina atu o punaoa faaletulafono e uiga i tulafono mo avanoa i aoaoaga, ulufale i se aoga o loo le saua ma faailoga tagata, tulafono, fualaau/vailaau, fale po nisi o fesoasoai; paaaga ma komiti po kamipagi faaleatunuu ma faalegagana o loo i ai ni latou tomai faapitoa i le fesoasoani atu ma avanoa mo fanau aoga ua leai ni latou pepa faamaonia.
5. Tagata Faafesootaiga Tagata Malaga Mai & Sulufai: O le a tuuina atu e le Itumalo se tagata faafesootai i le aoga tulaga lua ma le aoga maualuga ma se tomai faapitoa e tuuina atu fesoasoani ma punaoa i fanau aoga ma aiga ua leai ni latou pepa faamaoni; e aolia ai ae le taofioif mai le: fausiaina o kulupu faaleaoga e pei o le Kulupu Dreames po kulupu fesoasoani agatapuia mo fanaua aoga e leai ni latou pepa faamaonia e ala i le polokalame Manuia; tuuiina atu faamatalga e uiga i galuega, aoaoga o loo le manaomia i ai se numera social security; tuuiina atu o punaoa faaletulafono e uiga i tulafono mo avanoa i aoaoaga, ulufale i se aoga o loo le saua ma faailoga tagata, tulafono, fualaau/vailaau, fale po nisi o fesoasoai; paaaga ma komiti po kamipagi faaleatunuu faalegagana o loo faamoemoe e aoaoina fanau aoga i le latou aia, auala e aua ai le saogalemu e tusa lava ma tulafono, ma auala e fausiaina ai le latou faalapotopotoga; ma faatuina se polokalame fesoasoani i tausga e tatau ai i le aoga tulaga muamua.

O loo tuuina atu i le nei vaega se faapuupuuga o iugafono a le Komiti. Vaavaaia le full content of these resolutions.