5.4.5 Sailiiliga

(Tulafono 5145.12 a le Matagaluega a le SFUSD)

E mafai ona saili ma suesue e leoleo soo se tamaitiiti aoga taitoatasi, o ana meatotino poo se meatotino a le itumalo pe afai ua iai se masalosaloga o le a iai ni faamaoniga faaletino o le a maua e faamaonia ai le solitulafono, tulafono a le pulega ma aiaiga a le ofisa poo isi tulafono a le itumalo poo le aoga. O masalosaloga talafeagai e faavae lea i le patino ma le manino o faamatalaga moni ma isi molimau o le a maua i suesuega nei e faatatau i le solitulafono. E le faatagaina le faaaogaina o ni tala feaveai ma masalosaloga e fai ma mafuaga o se sailiiliga. O ituaiga meatotino a le fanau aoga e mafai ona sailia e leoleo poo taitai o le aoga e aofia ai a latou loka, kesi, atoaoga poo atofaafafa, o taavale o loo pakaina i laufanua o le aoga.

E soo se sailiiliga o se tamaitiiti aoga, meatotino poo meatotino a le itumalo, e tatau ona fai faautauta ma le mautinoa o le a maua ai ni molimau poo ni faamaoniga faaletino e faasino i le solitulafono o loo masalomia ai. E le tatau ona faasafua atu lenei sailiiliga i tua atu o tulaga talafeagai e sailia ai ni faamaoniga mo le solitulafono. O vaega faatulagaina e tatau ona fuafua lelei e leoleo poo taitai o le aoga e aofia ai le mautinoa pe saogalemu mo le maloloina ma le sefe o fanau aoga poo le aufaigaluega, e aofia ai le umiaina o aupega, fualaau faasaina, poo isi meafaigaluega, ma poo meatotino o loo sailia e taitai o le aoga e talafeagai pe faasaina poo ni molimau nei ua maua. E tatau foi i taitai o le aoga ona iloilo tausaga o le tamaitiiti aoga, itupa ma isi vaega o le solitulafono.

E le tatau i le aufaigaluega ona faataunuuina ni suesuega i tino poo le tatalaina o laei o le fanau.

O sailiiliga o fanau taitoatasi e tatau ona auai sui o le itumalo se toalua pe sili atu. E tatau ona faailoa atu e le puleaoga poo le ua tofiaina, matua/tausi fanau o le tamaitiiti aoga ua tatau ona sailiilina, i le vave e mafai ai pe a maea ona faia sailiiliga.

E le tatau i le aufaigaluega ona faia ni sailiiliga mo masini o fesootaiga ma/poo le faatagaina o nisi masini o fesootaiga faaleinitaneti, vagana ai ua faatonuina ma faataga e le tulafono a le setete poo le malo, e aofia ai le: (1) faaleo mai le faatanaga (2) saili/talosaga se faatanaga faaletulafono e saili ai, (3) saili/talosaga atu mo se faalavelave tupu faafuasei e ono aafia ai i se tulaga le saogalemu, taufaamatau i le oti poo se manua tuga i soo se tagata e manaomia le faaaogaina o lena masini, poo (4) talitonuina ua leiloa le masini, gaoia poo le tiaiina ae o le sailiiliga o le sailia lea o le tagata e ona le masini. (Tulafono o Faasalaga 1546.1 a Kalefonia)

O loka, kesi a fanau aoga, o meatotino ia a le itumalo. E faia asiasiga masani a le puleaoga poo le ua tofiaina, e asiasi ai i loka ma kesi, ae tutu ai fanau i tafatafa o a latou loka poo kesi foi. E tatau ona faasilasila lelei lea tulaga ina ia nofo silafia ai le fanau. Soo se meatotino e maua i totonu o loka poo kesi, o meatotino ia a le tamaitiiti e ona le loka poo le kesi.