7.9 Gasologa o Vaega Faatino o Tagi mo le Vaega 504

I lalo ole vaega ma fuafuaga 504 ole Sãvali ole Ola Fuataina mai le 1973, o lo’o iai tulafono ole puipuiga o Aiã Tatau uma, e aofia ai ma fanau ua le atoatoa le malosi ona ole fa’ailoga tagata, ma le puipuiga o Aiā Tatau ole a’oa’oina o fanau uma ua agavaa i polokalama uma a Aoga(FAPE). E mana’omia ona talisapaia e le matāgaluega mana’oga o fanau uma, ina ia auai i polokalama ma fuafuaga uma ua fa’atulagaina mai i lalo ole vaega o fuafuaga 504 i aoga ta’itasi.

Ina ia agavaa mo le Ata o le Vaega 504, e tatau ona i ai se le atoatoa o le faaogaina o lona tino faaletino poo lona mafaufau e ono aafia ma le mafai ai ona faatinoina se tasi poo le sili atu o gaioiga masani o le olaga. O le le atoatoa o le tino poo le mafaufau e aofia ae le gata ai, soo se faamai o le tino, i ai se itutino faapipii, poo le atoatoa o le malosi o le tasi poo le sili atu o vaega nei o le tino: mafaufau, maso ma ivi, totoga, totoga lagona, manava, o totoga mo le gagana; fatu, totoga mo le fanauina o fanau, gasologa o meaai, totoga e faamamaina le tino; pau; ma totoga omone; poo le le atoatoa o le malosi faalemafaufau, e pei o le tuai o le malamalama, faamai o le faiai, mai faale mafaufau ma lagona ma faamai poo le vaivai i tulaga faaleaoaoga. O le uiga masani o le “tele” o pa pupuni, o le le mafai lea ona faatino o gaioiga taua o le olaga i auala tutusa e faatinoina ai e fanau e aunoa ma ni manaoga faapitoa. O gaioiga taua o le olaga e aofia ae le gata ai, le faalogo, tautala, manava, aoao, faigaluega, tausami, moe, tu, lifi, fegauiai/punou, faitau, uai, mafaufau ma le fegalegaleai.

i. Ou te masalo e manaomia e lau tama le Ata o le Vaega 504, o le a le mea ou te faia?

1. Fesili, e te fiatalanoa i le puleaoga poo le Taitai Faamaopoopo o le Polokalame 504 a le aoga ma faatalosaga se iloiloga mo le Ata o le Vaega 504.
2. Afai e masalomia e le vaega e iai ni malosi le atoatoa o lou alo e avea ma pa pupuni tele, ona latou fautuaina lea o se fono faalevaega 504 e faamautuai agavaa amata i lalo o le Vaega 504. O auaunaga ma nofoaga e faaaoga e le Vaega 504, na mamanuina e tali ai manaoga faapitoa o fanau taitasi e agavaa ai. O se faataitaiga o nei tali manaoga o le tuuina atu o le avanoa i le tamaitiiti e i ai manaoga faapitoa i le tusitusi e faaaoga le komepiuta e tusi a ana meaaoga. O le faataitaiga o se auaunaga o le i ai lea o auaunaga faalefomai mo se tamaitiiti e maua i le mai suka.

ii. Vaega Faatino o Tagi mo le Vaega 504 faatatau i le faailoaina, iloiloga poo le faatulagaina faaleaoaoga  (aiaiga ole FAPE)

E faamalosia e le Itumalo faaiuga le aloaia agai atu i le Taitai Faamaopoopo o le Vaega 504 a le aoga. Peitai, afai e le faigofie ona maua se faaiuga e malie i ai mai le aoga, ma e te talitonu e le mulimuli tonu le aoga poo se tagata faigaluega a le aoga i aiaiga o le Vaega 504 o le 1973 o le Toe Faaleleia, ao faagasolo ai tulaga o le faailogaina, iloiloga ma le faatulagaina faaleaoaoga o lou atalii poo lou afafine, (mo auaunaga), e mafai ona e faatumuina le pepa faatumu o le Tagi mo le Vaega 504, ma faaoo atu i le Ofisa o Avanoa Tutusa.

1. E tatau ona failaina le fa’asea e fa’atatau ile vaega 504 i totonu ole ono masina talu ona maua tu’uaiga, po’o le ono masina talu ona maua fa’amatalaga e ala i nei tu’uaiga. E mafai e le Fa’atonu, le ua fa’asino tonu iai aiaiga o nei tu’uaiga ona fa’aauau ile 90 aso le tuu talosaga mo le itu tagi ona oni mafua’aga e ala ma tatau ai ona fa’aopopo aso mo le tapenaina ole tagi po’o le fa’asea.
2. E amataina suesuega o le tagi e le Taitai Faamaopoopo o le 504, i totonu o le 10 aso faigaluega mai le aso o loo i le risiti a le Ofisa o Avanoa Tutusa.
3. I totonu o le aso faigaluega e tasi talu ona amata suesuega, o le a suania ai e le Taitai Faamaopoopo o le Vaega 504 se isi e fai ma sui o le tagata faasea, ma se avanoa e tuuina atu i le sui e folasia mai ai faamatalaga uma o le tagi ma faamaoniga, poo faamatalaga e maua ai faamaoniga e lagolago ai tuuaiga o loo i le faasea. E mafai ona folasia atu faamatalaga poo faamaoniga i le Taitai Faamaopoopo i soo se taimi ao faagasolo suesuega o le tagi.
4. Vagana ai ua iai se maliliega tusitusia e faaopoopo aso o le tagi, o le a lafo atu e le Taitai Faamaopoopo o le Vaega 504 se ripoti tusitusia o le suesuega ma le faaiuga i totonu o le 60 aso o le kalena mai le risiti o le tagi.
5. Soo se faasea e le malie i sailiga poo le faaiuga o suesuega a le Taitai Faamaopoopo o le Vaega 504, e mafai ona faila atu se faasea i le Ofisa o Aia Tatau o Tagatanuu a le Matagaluega o Aoga a Amerika. E le manaomia le faaaogaina o vaega faatino o tagi faaleitumalo muamua, ae lei saili fofo i faamasinoga faaletulafono poo isi vaega lautele.
6. Mo feeseeseaiga e uiga i se faaiuga o sailiiliga i tulaga o le faailogaina, iloiloga ma le faatulagaina faaleaoaoga o lou atalii poo lou afafine poo aiaiga o aoga lautele talafeagai e leai se totogi (FAPE) i lalo o le Vaega 504, faamolemole e faafesootai le Ofisa o Avanoa Tutusa ma fesiligia tulaga mo le faatalosagaina vaega fai mo se faamasinoga.

iii. Faasea e faatatau i le Faailoga Tagata ona o se Manaoga Faapitoa

Afai e talitonu se matua/tamaitiiti o loo iai le tamaitiiti i se tulaga faaesea poo le faafaailoga tagata e pei o le sauaina e isi ona o se manaoga faapitoa; teteeina mai se avanoa e auai ai i se polokalame poo se gaioiga on o se manaoga faapitoa; poo isi ituaiga faaesea ona o se manaoga faapitoa, mulimuli i Vaega Faatino o Faasea Toniga a le Ofisa o Avanoa Tutusa a le Itumalo o loo i luga o le Pepa Faatumu.

E matua tapu i se tagata faigaluega poo se sooupu on faia ni tulaga taufaamatau, faafefe, faamalosi pe faailoga tagata, poo le taui ma sui foi i se isi ona o le faalavelave i se aia tatau o loo iai i latou i lalo o le faatinoga o se tagi o loo faatulagaina i luga, poo lalo o le Vaega 504 o le 1973 o le Tulafono o le Toe Faaleleia, Autu II o le Tulafono mo Tagatanuu o Amerika e iai Manaoga Faapitoa, poo le Autu IX o le Tulafono o Teuteuga Faaleaoaoga o le 1972 (Autu IX).

E mafai foi e le o loo tagi ona faaaoga nisi tulaga e faatagaina e le tulafono e foia ai le faafitauli o le faailoga tagata ona o se manaoga faapitoa. E mafai ona faila e le o tagi se faasea i le Matagaluega o Aoga a Amerika, Ofisa o Aia Tatau o Tagatanuu (“OCR”). O faamatalaga nei mo le OCR:

O le tuatusi o le ofisa o le OCR a Kalefonia o le:

Ofisa o Aia Tatau o Tagatanuu o San Francisco
Matagaluega o Aoga a Amerika
50 United Nations Plaza
San Francisco, CA 94102
Telefoni: (415) 486-5555
Facsimile: (415) 486-5570
Imeli: OCR.SanFrancisco@ed.gov

Nofoaga Tutotonu o le OCR:

Matagaluega o Aoga a Amerika
Ofisa o Aia Tatau o Tagatanuu
Vaega Auauna i Tagata
400 Maryland Avenue, SW
Washington, D.C. 20202-1100
Telefoni: 1-800-421-3481
FAX: 202-245-6840; TDD: 877-521-2172
Imeli: OCR@ed.gov