5.4.4 Meatotino a le Aoga – Toe Faaleleia o Meatotino ua Leiloloa poo le Faaleagaina

(Tulafono 3515.4 a le Pulega ma Aiaiga a le SFUSD)

Ua faataatia e le Pulega o Aoga a San Francisco tulaga nei e tatau ona faataunuu e toe faaleleia ai meatotino e nono mai i aoga a le itumalo poo le sailiina o auala e toe totogiina ai meatotino e faaleagaina.

• Ia faailoa atu e le puleaoga i matua/tausi fanau o fanau aoga, i se faaliga tusitusia ae leai faataunuu se tulaga e pei o le taofia o togi/tipiloma ma isi faailoga a le tamaitiiti aoga.
• Pe a le mafai e le tamaitiiti aoga ma matua/tausi fanau ona toe totogi meatotino ua faaleagaina poo le toe faafoi atu o nei meatotino, e mafai ono ofoina atu e le puleaoga se polokalame e galue ai e toe totogi atu ai nei vaega, e tusa ma le faitalia o le pule aoga.
• O le faatinoina o lenei tulafono, e le tatau ona faauigaina o le aveeseina o le aia tatau o le tamaitiiti e faaaoga ai o isi punaoa ma meatotino a le aoga e pei o tusi aoga, e faaaoga i vasega o loo resitala ai. (Silasila i le Vaega o Faamatalaga o Suiga, i le mataupu 3.4.1.)