Masini Feaveai mo Fesootaiga
(Tulafono 5131.8 a le Pulega a le SFUSD)
E mafai ona umia e fanau aoga telefoni feaveai, o uati, pager poo isi masini feaveai mo fesootaiga i totonu o le lotoa, ia faaaogaina ma le tatau e tusa ma tulafono o nei masini, o le tulafono lenei a le pulega ma soo se aiaiga e faataatitia e aoaoga taitasi.
E tatau ona tape masini o fesootaiga uma ma tuu ese i taimi o faatonuga, ma taimi o vasega
E ui i lea, e le tatau ona faasaina se tamaitiiti aoga mai le umiaina poo le faaaogaina o se masini feaveai i soo lava se mafuaaga e pei o lenei: (Tulafono 48901.5, 48901.7)
- I le tulaga o se faaalavelave faafuasei, poo le manaomia ona tali atu i se taufaamatau e oo ai i se tulaga le saogalemu. E le tatau ona tuua ai le tiute o faiaoga ma le aufaigaluega a le itumalo e fesootai lelei ma tuu atu faatonuga manino aea le soagalemu o fanau aoga, poo le faalavelave pe lamatia le saogalemu o isi.
- Pe a tuuina atu e se faiaoga le faatanaga i se tamaitiiti aoga, na te taulimaina pe faaaogaina se masini o fesootaiga, aua le faaalualu i luma o faatonuga o le vasega. I lenei tulaga, e tatau ai ona faaaogaina le masini i totonu o nofoaga faatapulaaina e le faiaoga, ma le taimi faatulagaina e le faiaoga.
- Pe a faatonuina ma faamaonia e se fomai le manaomia e le tamaitiiti aoga o le taulimaina o se masini mo tulaga o lona soifua maloloina, ma e nao le pau foi na o tulaga faatapulaa e faaaogaina ai e le tamaitiiti nei masini.
- Pe afai e tatau le umiaina o nei masini ma polokalame taitoatasi a se tamaitiiti aoga (IEP).
E le tatau i fanau aoga ona faaaogaina masini o fesootaiga i totonu o le aoga, poo gaioiga a le aoga, e pueina ai ni ata, poo vitio o isi tamaiti aoga ma le aufaigaluega (aofia ai faiaoga, pulega poo le aufaigaluega) e aunoa ma se faatanaga tusitusia mai lea tamaitiiti poo se tagata faigaluega o le aoga.
E le tatau ona faaaogaina telefoni feaveai ma isi masini o fesootaiga i nisi tulaga e solia ai le aia tatau ma olaga faaletagata lava ia o isi. E tapu ona solia pe faaalavelave le faaaogaina o nei masini i taimi o aoaoga poo polokalame ma gaioiga a le aoga. O soo se faaaogaina e solia ai tulafono a le SFUSD, aiaiga ma tulafono faatonutonu, e aofia ai ma le faagataina o le saua faaleinitaneti, saua faalefeusuaiga, faamatau poo le le faamaoni ma le pepelo i luga o suega ma meaaoga.
Taiala o le Soliina o Tulafono o le Faaaogaina
A faaaogaina e se tamaitiiti aoga se masini o fesootaiga i soo se auala le faatagaina, o le a faia lona aoaiga ma o le a seia le masini mai ia te ia e le tagata faigaluega a le itumalo; poo le manaomia o le matua e susu mai i le aoga e toe faalelei le masini. O le a tuu i le faitalia o le sui o le aufaigaluega e faatulaga se tali atu talafeagai ma le solitulafono. O le a seia le aia tatau o le tamaitiiti aoga e taulimaina ai masini o fesootaiga pe a faaauau pea le soliina o nei taiala vagana ai e iai ni mafuaaga tau gasegase tuga. O le a teuina lelei e le sui o le aufaigaluega le masini se ia oo i le taimi e toe faafoi atu ai i le tamaitiiti aoga poo le matu/tausi fanau poo le toe faafoi atu foi i le puleaoga poo le e pulea lea vaega, i tulaga uma talafeagai.
E iai le avanoa o le tamaitiiti aoga e fai ai ona aoaiga, e tusa ai ma le tulafono, tulafono a le Matagaluega poo aiaiga a le Pulega mo le faaaogaina o masini o fesootaiga i fafo atu o le lotoa, e ono iai ni tulaga le saogalemu mo fanau aoga, aufaigaluega, poo meatotino a le itumalo, poo le faalavelave i gaioiga a le aoga.
E le o se matafaioi a le itumalo masini o fesootaiga e aumai e fanau aoga i le lotoa poo gaioiga a le aoga ma leiloa ai, gaoia pe faaleagaina foi.
This page was last updated on November 29, 2022