3.9.1 Tulafono o le Soifua Manuia a le SFUSD

(Tulafono a le Matagaluega SFUSD 5030)

O le faamoemoega o Tulafono Faapolokalame o le Soifua Manuia a le SFUSD, o le faalauiloaina lea o le siosiomaga e faia ai filifiliga maloloina ma faigofie, ma e fiafia foi i ai tamaiti aoga, aufaigaluega ma aiga.  E tusa ai ma suesuega a le upega tafailagi o Tulafono o Soifua Manuia, ua faaalia mai ai, o tulaga faafegalegaleaiga o le soifua maloloina, e aofia ai le siosiomaga faaletino ma le mauaina o vai taumafa mama, meaai faaleaganuu talafeagai, e matua taua tele i le soifua maloloina ma le manuia o se tagata. Ua faaalia mai foi e suesuega patino a San Francisco, o loo i ai tulaga matuia le le lelei, le paleni ma le eseese o loo aafia ai nisi o ituaiga ma vaega eseese o tulaga faaletamaoaiga.

Ua faateleina e le SFUSD avanoa e maua ai meaai ma vaiinu maloloina, ae faamutaina le faatau atu o faguinu aava ma isi meaai le maloloina i aoga, ina ia aveesea ai tulaga eseese i o tatou aai ma faamalosia ai fanau aoga uma e ausia le manuia sili faaletino, faalelagona ma fegalegaleaiga maloloina.

O tulafono o le Soifua Manuia a le SFUSD e aofia ai:

• taiala o taumafa paleni mo meaai uma e maua i le lotoa a le aoga i aso aoga;
• taiala mo sailigatupe/fefaatauaiga o meaai i totonu o le lotoa
• taiala mo meaai i aso faamanatu, faailoga ma poloketi a vasega.
• sini mo aoaoga o taumafa paleni, gaioiga faaletino (60 minute i le aso) ma isi gaioiga e faalauiloa ai le soifua manuia o fanau aoga.

E faamalosia e le Tulafono o Soifua Manuia a le SFUSD tagata faigaluega uma e fai ma faataitaiga o amioga maloloina mo fanau aoga, aiga, aufaigaluega ma le aai o aoga.

Ua ausia e le Tulafono o Soifua Manuia a le SFUSD aiaiga uma o le Tulafono o Soifua Maloloina, Fanau-Saoloto mai le Galala o le 2010 (HHFKA), ma tuuina atu i aoga uma le ata e faalauiloa ai le soifua maloloina ma le manuia o fanau aoga, aufaigaluega ma aiga. Mo nisi faamatalaga, faamolemole e asiasi ane i le: www.sfusd.edu/bewell