4.7.3 Fanau Aoga e Fesuiai Aoga – Agavaa mo Taaloga/Afeleti

O fanau aoga e sui mai i isi aoga, e le agavaa e auai i polokalame afeleti i a latou aoga fou mo le tausaga atoa e tasi, amata mai i le aso na ulufale ai i le aoga fou. O lea tausaga e tasi e le agavaa ai, e mafai ona le faamalosia pe afai e ausia e le tamaitiiti aoga aiaiga faataga e faataatitia e le Asosi o FaavaoAoga a Kalefonia. 

O fanau o le aoga feoloolo e sui mai i isi aoga, e le agavaa e auai i polokalame afeleti i a latou aoga fou mo le tausaga atoa e tasi, amata mai i le aso na ulufale ai i le aoga fou. E mafai e fanau aoga o le aoga feoloolo ona maua se faatanaga i le tausaga lea e tasi e sui ai lana aoga mai i se aoga i fafo atu o le SFUSD i se aoga i totonu o le SFUSD. E mafai foi e fanau o le aoga feoloolo ona maua le agavaa i taaloga ma afeleti pe a maea le suiga muamua o aoga mai i se aoga o le SFUSD i se isi aoga a le SFUSD. A maea le suiga lenei, e tatau ona faaalia le saogalemu faaletagata, se faamaoniga o le suiga o le mea e nonofo ai le aiga, poo se isi tulaga faigata e mafua ai le fesuiaiga o aoga, ina ia mafai ona agavaa ai e auai i le polokalame afeleti.

O fanau aoga e suia aoga ona o se fono aoai, e le agavaa e auai i Polokalame Afeleti a le Itumalo mo le tausaga atoa e tasi, amata mai i le aso na amata ai i le aoga fou.

O se tamaitiiti e tausi i nisi ese, e suia le nofoaga o lona aiga ona o aiaiga a le faamasinoga, poo le filifiliga a le ofisa o manuia o fanau, e tatau ona toe iloiloina le ausia o vaega faatulagaina uma o le nofoaga fou, mo le auai i taaloga faavaoaoga poo isi gaioiga faaopoopo. (Tulafono 48850 (a)(2) a Aoga a Kalefonia).