3.9.10 Fautua, Fesoasoani Faalautele ma Faalemafaufau

Kulupu Fesoasoani ma Faufautua

O lo mauaina atu e Tagata Faigaluega Faalautele a le Aoga SFUSD, Tagata Galue Faafomai a le Aoga, ma Polokalame Manuia ni kulupu fesoasoani ma faufautua mo alo ma autupulaga o loo lavevea i mafatia faalemafaufau, popole, faanoanoa, ma nisi amioga tau le llei mo saua ma/po faaaoga le tatau o fualaau. 

Tagata Faigaluega Faalautele a le Aoga (SSWs) (Aoga Tulaga Tasi ma le Lua)

I le paaga ma fanau aoga ma aiga, o loo vaaia e Tagata Faigaluega Faalautele a le Aoga ni faalavelave i manumalo o fanau aoga ma lagolagoina le tuputupu ae faalelagona ma agafesootai o fanau aoga. O loo faamuamua e Tagata Faigaluega Faalautele a le Aoga le fesoasoani mo vaega maua gofie o fanau aoga e aofia ai le: au tupulaga foster, aiga ma au tupuluga o loo i totonu o tulaga suiga, au tupulaga LGBTQ, fanau aoga fou mai, ma isi o tagata e le tele ni fesoasoani e mauaina.

O fesoasoani masani o loo tuuina atu e Tagata Faigaluega Faalautele uma i Aoga Tulaga Tasi ma le Lua uma o le SFUSD o loo aofaia ai le:

• Faafesootaia ma Vaaia o le Polokalame Fesoasoani i Fanau Aoga (SAP)
• Aoaoina o faiaoga mo se potu aoga siosiomaga lelei ma fesoasoani i fanau aoga
• Fesasoani Faalemafaufau ma faaleamio e taulai i tagata taitasi
• Fautuaga i kulupu laiti e faaaogaina ai faataitaiga moni
• Vaaia Faleaoga mo aiga taitasi ma fanau aoga foi.
  • Tai atu i faalavelave faaletagata ma faaleaoga foi 

Tagata Galue Faalefautuaga a le Aoga

O loo faafaigaluegaina Tagata Faufautua mo le Aoga i aoga tulaga tasi, lua ma le aoga maualuluga foi.  O loo fesoasoani tagata faigaluega faufautua i fanau aoga ia latou manumalo faaleaoga, faalegaluega, ma faaletagata foi.

 O le latou tomai faapitoa o loo i le amioga ma va faaletagata o loo latou fesoasoani atu i fanau aoga e ala i faufautuaga (faaletagata ma faalekulupu); taialaina o kulupu toatele; fautuaina; ma faafesootaiina.

Tagata Fautua Aoga Tulaga Tasi (Aoga Tulaga Muamua)

O loo tuuina atu Tagata Fautua Aoga Tulaga Muamua i aoga faapitoa e fesoasoani i faalavelave tau auai i aoga ma manumalo atoatoa o fanau aoga/tausi.

Au Felagolagomai Fesoasoani Fanau Aoga

Mo popolega i fanau aoga tau aoga, amioga, auai, po soifua maloloina, o loo i ai ni au e tolu i aoga SFUSD uma lava e faailoainia vave, faafesootaia, ma mulimulia. 

Polokalama ole Soifua Maloloina ( Aoga Maualuga)

E sapaia e le polokalama ole Soifua Maloloina o Aoga Maualuga uma polokalama mo le soifua fa’alemafaufau atoa ai ma le soifua manuia i se auala saogalemu i se si’osiomaga e lilo i se isi. E tofusia uma polokalama nei ma tagata ua lava le tomai ma lava tapena e feagai ma luitau e ono tutupu mai, pei ole, a behavioral health counselor, social worker, School District Nurse, and a Community Health Outreach Worker i nofoaga maoti. O nei auaunaga e aunoa ma se toe totogi’ina ma e fa’alilo fa’amaumauga ina ia natia mai le lautele. Mo nisi fa’amatalaga fa’aopopo, asiasi mai le www.sfwellness.org.

Vaega e Fa’amaopopina Puipuiga Lautele ( Coordinated Care Teams, CCT)

So’o se aoga lava ile SFUSD, e iai lava vaega ua uma ona totofi o lo’o lava iai le tomai e sapasapai fanau  i tulaga o a’oaoga, tu ma aga, auai atu i aoga , ma tulaga uma ole soifua maloloina. E masani foi ona soālaupule le  Coordinated Care Team ma fanau ma aiga taitasi e saili ai vaifofo mo fa’afitauli e ono tulai mai, e pei ole, auaunaga e ala ile faufautua, faiaoga fesoasoani, mafutaga fa’alea’oaoga, ia ma fautuaga e saili ai nisi auaunaga manuia.

Vaega e Tali Atu ini Fa’alavelave Fa’afuase’i (Emergency/Crisis Response Team)

E naunau le SFUSD ina ia fa’avaeina se vaega lagolago mai aoga uma ina ia vave tali atu ai i ni fa’alavelave fa’afuasei. E lagolagoina e le Student and Family Services auala e fa’aauau ai toleniga a le vaega ua tofia ina ia tupu ma malamalama atili ai le tomai ile tofiga ua latou umia aua le tali vave atu i ni fa’alavelave fa’afuasei.