4.4.6 Faatufugaga Vaaia ma le Faatinoina (VAPA)

O le faatufugaga o se polokalame ua loa taimi o lagolagoina e le aai o San Francisco, ma maitauina le taua o lenei polokalame ma le sogasoga i le sauniaina o aoaoga ma aafiaga lelei mo fanau aoga uma e auai ai. I le tausaga 2004, na pasiaina ai le Faaputugatupe o Faatamaoaigaina o Aoaoga Lautele (PEEF) e taulimaina miliona faaletausaga e lagolago ai Aoaoga Faaletufugaga. Mai le 17 tausaga talu ai, ua tele fa’aopopoga o tamaoaiga ma punaoa maua mai le vaega ole PEEF ua mafai ai ona fa’aopopo tulaga o tagata faigaluega a le matagaluega ma le tuputupu a’e o polokalama fa’atufugaga i totonu ole matagaluega. Lagona le mitamitaga fai a’e a le matagaluega ona o nei polokalama, ua mafai ai ona fesoasoani ile tuputupu a’e ma le atinaeina ole tele o tamaitit aoga.

Ae pagā lea, tatou te lei gafatia pe o’o lelei ile tulaga e tatau ona iai lenei polokalama mo fanau o lo’o fia auai i le fa’atufugaga, aemaise le toatele o fanau o lo’o fa’apea ona vaai fa’atauva’a ai pea le matagaluega i lea aso ma lea aso. Telē le galuega e ao ona fai ina ia tatou fa’ame’i ese mai ai mai tu ma aga fa’aeuropa ma talitonuga o lo’o fotua’i mai pea e ala i tulaga pei ole, fa’aauau, fa’ailoga tagata, atoa ai ma fa’aupuga sese o lo’o lafoa’i pea i polokalama fa’atufugaga ma lona a’oa’oina. Ole masina o Iuni 2019, na pasia ai e le Laulauafono  le Matagaluega se pili ua taua ole  Resolution to Adopt the Declaration of the Rights of All Students to Equity and Access in Arts Learning (“Arts Resolution,” No. 195-28A1), ma ua mausali ai le fa’amoemoe, ole SFUSD, o se matagaluega e talitonu ile galulue fa’atasi mo le aiā tutusa o fanau uma ina ia a’oa’oina i polokalama fa’atufugaga.

Ile lagolagoina o lenei iugafono, atoa ai ma le laugatasia ma le Vision 2025, na a’e ai se tofā mamao ile Ofisa o Fa’atufugaga a le Matagaluega ina ia tusia ma lomia se fa’asinoala e galueaina ai lenei fa’amoemoe, ua taua ole, Arts & Creativity 2025: SFUSD’s Arts Equity Plan. Arts & Creativity 2025, ua tuuavanoa ile matagaluega ina ia galueaina le fausaga o lo’o sologa lelei, fuafua ma toe timata le upega pe’a le talafegai, ma tagai toto’a i vaega eseese sa fa’apena ona le amanaiaina. Ole fa’amoemoega maualuga, ina ia avea lenei plokalama malosi ma alafua e mafai ai ona silafia lelei fa’amoemoega ma manatunatuga fa’alepitonuu a o tatou aiga uma mo a latou fanau o lo’o ile SFUSD. O lenei ua fa’amatalaina mai e le matagaluega ona naunautaiga uma e ala ile fa’avaeina ole Vision 2025 ma le Graduate Profile, ma le Arts & Creativity 2025 ua taoto mai ai se otootoga o fuafuaga ina ia fa’aaogaina le a’oa’oina ole fa’atufugaga ina ia mafai ai ona ausia naunautaiga a fanau uma o lo’o ile SFUSD. Arts & Creativity 2025, latou te sapaia ma galulue punoua’i ma fanau uma, e aofia ai fanau - Amerika o lo’o iai tupuaga mai Aferika, ma fanau uma o isi tupuaga ua loga ona tuulafoa’i e le matagaluega, fanau o lo’o tau a’oa’o le gagana Igilisi, atoa ai ma fanau i aoga fa’apitoa—ina ia mafai ai ona latou fa’aleoina o latou manatu ma lagona o lo’o foafoaina. 

Mo le isi lima tausaga o lo’o soso’o nei se ia o’o ile 2025, ole a fa’apea ona patino ma maoti ni fuafuaga fa’atino a le SFUSD e aofia ai manatu autu e tolu e ao ona fa’amuamua:

1. Ala tutusa ma le Tulaga Silisili.

e tautuana e le SFUSD le aga tutusa uma o fanau aoga o lo’o auai i polokalama fa’atufugaga  ina ia foafoa mai ai ni manatu sili atu ona lelei. Ole vaaiga a le matagaluega ile “ala tutusa” ma le “tulaga silisili” o se vaaiga e afua mai i tupuaga eseese ma le lotoifale ma e ao ona ave iai le fa’amuamua a le matagaluega i alo ma fanau ua iloga ona fa’atauva’a iai le vaai a le matagaluega, e aofia ai fanau mai tupuaga lima vaivai ma le le tagolima, fanau mai fa’asinomaga le talafeagai ma nofoaga puapuagatia, fanau e ese mai isi fanau a latou aganuu ma agaifanua, atoa ai ma fanau o lo’o auai i aoga fa’apitoa o lo’o iai manaoga fa’apitoa, e avea ai lenei avanoa ma ala e fotuai ai le mafaufau i polokalama nei fa’atufugaga. Ole ausia o lenei fa’amoemoe, ole a galueaina e le matagaluega se alafua ina ia fa’afaigofie ai le auai ma le tuuavanoa o nei polokalama mo fanau uma ina ia ala tutusa uma ai, ina ia mafai ai ona fa’aalia taleni o lo’o natia e fanau e ala lea ile fa’aleoina o a latou manatu e fa’aauala mai ile fa’atufugaga, ma ia atagia mai ai le augatasia ole atinaeina o nei polokalama e ala lea ile fa’aaogaina o punaoa eseese o lo’o maua mai e le tatou pitonuu o San Francisco. 

2. Manino ma le Felagolagoma’i.

Ole naunautaiga a le SFUSD, ina ia alatutusa le polokalama mo le fa’atufugaga mai lava i aoga, vaega eseese, ofisa, ma le lautelega ole pitonuu. Ole tautino a le matagaluega latou te sapaia malosi polokalama fa’atufugaga uma o lo’o i aoga eseese.  E iai fuafuaga maoti ua uma ona fa’ata’atia mai e pei ole, fa’ataotoga mai ose alafua e laugatasia uma ai polokalama fa’atufugaga o lo’o i aoga uma;  toe suia lea ole tulaga ua mae’a ona fa’atonuina mai polokalama fa’atufugaga a CA e manaomia ai le iloiloga o punaoa eseese ma le fesiitiaga ole aufaigaluega mai tupuaga eseese ina ia aofia ai i polokalama nei ma le fa’aaogaina o fa’amaumauga e patino i nei poloklama ina ia fa’ailoa atu ai mea o lo’o tutupu. 

3. Fa’amaumauga ma le Fa’amautinoaina.

E fa’amautinoaina e le SFUSD le fa’aaogaina o fa’amaumauga ua uma ona su’esu’eina ina ia fa’amautinoaina ai le atinaeina o polokalama uma fa’atufugaga. E tele ina ao mai ma iloilo lelei e le Ofisa Autu fa’amaumauga e fa’atatau i polokalama mo le fa’atufugaga e aofia ai lona fa’aavanoaina, tulaga silisili, ma le aofia ai ole ala tutusa mo fanau uma ina ia malamalama atili ai le matagaluega ile fa’agaioiga o nei polokalama i aoga uma o lo’o auai fanau a le matagaluega. E fa’apena foi ona lipotia uma mai e le matagaluega ona sailiiliga sa fa’atinoina — ina ia fa’ailoa ai i faiaoga uma, aiga ma o latou pa’aga fa’alepitonuu, o lo’o iai fa’amaumauga ua uma ona tapenaina ma o lo’o nofo sauni ai foi pe’a mo’omia mo fuafuaga fa’alauaitele a le aoga. Ma ole alafua ma le fa’avae lea ua fa’ataoto mai e le ina ia tali sapaia uma ai isi polokalama o lo’o fa’ata’atia mai ina ia lava tapenaina ai le fa’amoemoe mo le auaunaga e silisili lona lelei mo le fanau aoga.

Ole alafua e fa’atatau mo fa’amaumauga uma ole a iloiloina lea e komisi faufautua eseese atoa ai ma fa’aiuga e ao ona fa’atioina e aofia ai fanau aoga, faiaoga, aiga ma faigapa’aga fa’alepitonuu.

E ave le fa’amuamua a le matagaluega i mea nei e tolu—Ala Tutusa ma le Tulaga Silisili, Manino ma le Felagolagomai, Fa’amaumauga ma le Fa’amautinoaina—e fai ma taiala ina ia mafai ai ona ausia e le matagaluega le Vision 2025 (tofamamao 2025) ma le talaaga mo le aufa’au’u, ina ia mafai ai ona tuputupua’e ma le manino ma le iloa, tulaga manuia, ma fa’asilisili ai ona tulaga leleia le tulai mai o fanau uma ole matagaluega mo le lumanai. Ole Fa’atufugaga ma lona Foafoaina 2025, o se alafua lea ua fa’ataoto mai e le SFUSD ina ia ala tutusa uma ai le tatou matagaluega.

Tulaga Fa’atonuina ole Fa’atufugaga

Iugafono a le Laulauafono a le SFUSD Numera 195-28A1

Tuātusi Tafailagi a le Vaega o Fa’atufugaga a le SFUSD