7.7 Amioga e Uunaia e le Inoino/Ita

(Tulafono 5145.9)

E faamautu e le Tulafono a le Pulega le aia tatau o fanau aoga uma e puipuia mai ai mai amioga poo aga e uunaia e le inoino poo le ita. E faalauiloa e le Pulesili va lelei ma le nofo filemu ma mafai ai e fanau aoga ona maua le malamalama moni o aia tatau i le va o tagata ma matafaioi a le lautele i totonu o sosaiete. O amioga poo faaupuga e faaleaga pe faatoilalo ai se isi tagata ona o lona lanu, ituaiga, aganuu, tupuaga, itupa, itupa faailogaina pe faaalia, uiga faaletino/faalemafaufau poo talitonuga faaletapuaiga ma isi gaioiga, e le tatau ona faatagaina ma e aofia i lalo o amioga ma gagana e uunaia e le Inoino. A se faamatalaga e “uunaia e le inoino” poo se “tulaga faaituau” e aofia i amioga faaituau, gagana poo talanoaga e iai sona aafiaga, ae e leai se faatinoga faasolitulafono. (faamatalaina i luga)

Solitulafono inoino (faaleagaina, osofaiga faaletino, susunuina, ma isi mea faapena) o solitulafono ia e faaosofia, i lona atoaga poo se vaega, e ala i le faaituau, e ala i le osofaia e faasaga i uiga o le tagata poo le kulupu poo uiga mafaufauina o le faaletonu faaletino, itupa, faasinomaga poo faaalia, tagatanuu, lanu po o le ituaiga, tapuaiga, talitonuga faalelotu, faafeusuaiga, poo le fegalegaleai ma se tagata poo se kulupu o loo iai se tasi o nei uiga. O "solitulafono inoino" e tatau ona lipotia i le matagaluega o leoleo. 

i. Ripotiina

Soo se tamaitiiti aoga e lagonaina le avea o ia ma se tagata o loo aafia ma manua e amioga e “uunaia e le ita/inoino”, e tatau ona faafesootai vave le puleaoga poo se isi o le au faigaluega e faatuatuaina ma e vavalalata lelei. E mafai ona faia ripoti tusitusia poo le tuugutu foi, ao faasea uma e tatau on ripoti atu i luga o le upega tafailagi a le pulega. Afai e talitonu le tamaitiiti aoga e lei foia le faafitauli e le puleaoga poo le ua tofia, e mafai ona ia failaina le faasea i le Ofisa o Avanoa Tutusa a le Itumalo, e tusa ma le Vaega Faatino o Faasea Toniga a le itumalo. (Tulafono 1312.3 a le Pulega a le SFUSD)

Mo tagata faigaluega uma o lo’o silafia po’o ua maitauina tu ma aga le talafeagai nei, tatau ona fa’ailoa ile pule aoga.

ii. Faiga ma Iloiloga o Faasea

O se tamaitiiti aoga poo se matua/tausi fanau e talitonu ua avea le tamaitiiti ma le tagata manua o le amioga e faatupu ona o le inoino e matua faamalosia e lipoti atu le mea na tupu i se faiaoga, pule aoga, poo se isi tagata faigaluega.

E tatau i se tagata faigaluega ona faasalavei, faailoa ma taofia “gagana inoino” poo “gagana faaituau”, i le taimi lava na te faalogoina ai i se tamaitiiti aoga. E tatau ona talanoa atu le tagata faigaluega ma fesiligia le tamaitiiti o loo aafia pe ua manua, e saili ai pe manaomia se suesuega auiliili. E aofia ai i lena talanoaga amata fesili e faatautau i le sauaga ua mafatia ai le tamaitiiti, pe ua faafia ona faia lenei amio, ma poo le a le sootaga o tamaiti. Afai e faamautinoa e le sui o le pulega le tatau ona faia o se suesuega auiliili, e tatau ona ia faatulagaina se suesuega atoatoa ma le talafeagai i le tuuaiga ma ia faailoa atu i le tamaitiiti aoga/aiga tulaga uma o le alualu i luma o le suesuega.

O soo se tagata faigaluega e logoina ua tupu ni amioga faaiino, vaaia amioga faapea, po ua ia maua se tala ua tupu se faalavelave o le a faafesootai loa le pule poo le ofisa tausisi e nafa ma le faamaopoopoina o le tali atu a le Itu Malo i faitioga ma le tausisia o tulafono o aia tatau a le malo ma feterale.A fa’apea ua talitonu le Pulega a le aoga e ala tatau ona faia se su’esuega, tatau loa ona fa’atino se su’esu’ega ma se auiliiliga maoti i tu’uaiga ua fa’asino i lē ua molia ma e tatau ona fa’ailoa i matua/ma tausi fanau tulaga ua o’o iai le su’esu’ega.

O se tamaitiiti aoga e maua lona faatinoina o amioga e uunaia i le inoino/ita, o le a aoaiina e tusa ma le tulafono a le malo, tulafono a le Matagaluega, ma le aiaiga a le pulega.

iii. Aoaoga

Pe a talafeagai, e saunia e le itumalo polokalame faufautua ma aoaoga maaleale tatau ma aoga o eseesega mo fanau aoga e faaalia amioga e uunaia e le ita ma le inoino. E saunia foi e le itumalo fautuaga, taitaiga ma le lagolago, pe a talafeagai, mo fanau ua aafia ma manunua i le aga poo le amio uunaia e le ita/inoino.

E faamautinoa e le Pulesili poo le ua tofia le aoaoina o le aufaigaluega e maitauina amioga e uunaia e le inoino/ita ma iloa auala talafeagai  e fesoasoani pe tali atu ai i lea ituaiga aga.

I le amataga o tausaga aoga taitasi, e maua ai e fanau aoga ma le aufaigaluega kopi o Aiaiga a le Pulega a le itumalo e faatatau i amioga e uunaia e le inoino/ita i totonu o le Tusitaulima a Fanau Aoga ma Matua. E saunia e le itumalo faatonuga e talafeagai ma tausaga o fanau aoga, e faalauiloa ai le malamalamaaga ma le faaaloalo i aia tatau o tagata, eseesega, ma le faapalepale i le eseese o aganuu i sosaiete, ma saunia auala aoga e foia ai feteenaiga i se auala lelei.