7.8 Nofoaga mo Tagatanuu o Amerika e i ai Manaoga Faapitoa/ Vaega Faatino o Faasea mo le Faaaogaina o Nofoaga

E faalauiloa e le SFUSD avanoa tutusa mo tagata e iai manaoga faapitoa e ala lea i le mautinoa, e o gatasi le siosiomaga matou te fausiaina ma taiala ma tulaga faatonuina e le malo ma le setete. E faamautinoa e le Autu II o le Tulafono mo Tagatanuu o Amerika e iai Manaoga Faapitoa (ADA), le faigofie o le ulufale ma le faaaogaina e i latou e iai manaoga faapitoa, nofoaga ma lotoa o le Itumalo, e ala lea i le fausiaina ma le suiga o vaega e mafai ai ona faafaigofie ai lo latou faaaogaina. O Vaega Faatino o Faasea a le ADA a le Itumalo, e aofia ai le faaaogaina faaletino o nofoaga i polokalame ma gaioiga a le itumalo.

O faafitauli ma faasea e tuuaia ai le faailoga tagata e tutupu mai ona o le teena o le ulufale atu i se polokalame a le Itumalo, poo se gaioiga ona o le mafuaaga, e iai se manaoga faapitoa o se tamaitiiti aoga, matua poo nisi sui o le taulaga, o le a foia i le auala tatau. E matua tapu le taui ma sui i soo se ituaiga auala ona o le failaina o se tagi, ripotiina o se tulaga faailoga tagata, poo le auai i le faataunuuina o se tagi. 

Vaega Faatino mo Faasea i le Ulufale o le ADA

i. Tagi

Soo se tagata poo se vasega patino o tagata ua aafia i se faaesea ona o se manaoga faapitoa, patino lava i le faaaogaina poo le ulufale i se nofoaga o le aoga poo le Itumalo, e mafai ona ia failaina le Tagi ADA i totonu o le ono masina talu e tuuaiga o le solitulafono. E tagi uma e faila i le Ofisa o Avanoa Tutusa a le Itumalo ma o le a suesueina e le Taitai Faamaopoopo o le ADA. O isi faasea uma faatatau i se faaesea ona o se manaoga faapitoa, e failaina e faaaoga ai Vaega Faatino o Faasea Toniga.

ii. Taimi Faasolo o Tagi

1. E tatau ona faila le Tagi ADA i totonu o le ono masina mai le aso o le mea na tupu, poo le ono masina mai le aso na maua ai e le tagata faasea faamatalaga faamaonia o le tuuaiga o le faailoga tagata. E ono toe faaopoopo aso o le failaina o le tagi, e oo atu i le 90 aso o le kalena, e le Taitai Faamaopoopo o le ADA ona o se mafuaaga tatau, poo le tusia atu foi e le tagata faasea o se faatalosaga tusitusia mo se toe faaopoopoga i le taimi.
2. E amataina suesuega o le tagi e le Taitai Faamaopoopo o le ADA, i totonu o le 10 aso faigaluega mai le aso o loo i le risiti a le Ofisa o Avanoa Tutusa.
3. I totonu o le aso faigaluega e tasi talu ona amata suesuega, o le a suania ai e le Taitai Faamaopoopo o le ADA se isi e fai ma sui o le tagata faasea, ma se avanoa e tuuina atu i le sui e folasia mai ai faamatalaga uma o le tagi ma faamaoniga, poo faamatalaga e maua ai faamaoniga e lagolago ai tuuaiga o loo i le faasea. E mafai ona folasia atu faamatalaga poo faamaoniga i le Taitai Faamaopoopo i soo se taimi ao faagasolo suesuega o le tagi.
4. Vagana ai ua iai se maliliega tusitusia e faaopoopo aso o le tagi, o le a lafo atu e le Taitai Faamaopoopo o le ADA se ripoti tusitusia o le suesuega ma le faaiuga i totonu o le 60 aso o le kalena mai le risiti o le tagi.

Soo se faasea e le malie i sailiga poo le faaiuga o suesuega a le Taitai Faamaopoopo o le ADA, e mafai ona faila atu se faasea i le Ofisa o Aia Tatau o Tagatanuu a le Matagaluega o Aoga a Amerika. E le manaomia le faaaogaina o vaega faatino o tagi faaleitumalo muamua, ae lei saili fofo i faamasinoga faaletulafono poo isi vaega lautele.

fomu: https://drive.google.com/drive/folders/1c82R8S2wM6jP6hGnp74fHHi8tMyTfemD