6.1 Polokalame Fesoasoani ma le Saogalemu mo Aoga

(Komiti o Faiga Faavae SFUSD 5144)

I le tautotogo o le 2014, na vaetamaina ai e le Komiti Faatonu o Aoga le Polokalame Fesoasoani ma le Saogalemu mo Aoga (SSSR). E ala atu i lenei polokalame, ua tuuto atu ai SFUSD latou te saunia vaega uma mo tagata faigaluega aua le galulue vavalalata ai ma le fanau aoga i ni auala e faaleleia ma fesoasoani ai i le aoaotetele tau aoaoga o amio lelei (SWPBIS) ma le faaaogaina o metotia e toe faafoisia ai le atoaga o le lelei o mea uma (RP), faatasi ai ma polokalame faalauiloa ai manua faalemafaufau e faamautuina ai le maualuga o amio pulea o loo faamoemoe mo taimaiti i se aoga e le faaituau ma saoloto le agavaa faaleaganuu. O nei faiga o loo tapenaina aua le fausiaina o le fesoasoani ma le saogalemu i totonu o aoga faapea foi ma le faamalieina tamaiti aoga Aferika Amelika ma Latino o loo faapea ona faamalolo le tumau mai le aoga, ma ni isi lava o kulupu o tamaiti aoga e leo faaalia le amio pulea aoaoina i totonu o le aoga. 

O le SWPBIS o se suesuega-faavae, matua aoga tele mo le faavaeina o amioga pulea o loo faamatalina i totonu o le SFUSD o se Tali Atu I Polokalama Fesoasoani (RTI) o se faavae mo aoaoga ma le faamalosia o agafesootai o tamaiti aoga, i faalelagona, ma tomai e aoao ai ina ia mafai ai ona faaauauina aoaoga, faʻapea foi ma le lagolagoina o lagona faalemafaufau ma faale-lagona lelei o tamaiti aoga uma. O le faaaogaina o metotia e toe faafoisia ai le atoaga o le lelei o mea uma o loo tuufaatasia i totonu o le faavae o le SWPBIS i tulaga uma o le galulue faatasi ai o le aufaigaluega ma tamaiti aoga i le fausiaina lea o se siosiomaga saogalemu mo le atinaeina o fesootaiga lelei, faamautuina o maliega o vasega ma aoga o le nuu ma le fausiaina o tomai o agafesootai faalemafaufau ma le faalelagona. A malamalama le aiga a faiaoga i le aafiaga o manua faalemafaufau ao latou faaaogaina le SWPBIS ma Metotia e toe Faafoisia ai le Atoaga o le Lelei o Mea Uma, o le a lelei atu ona latou taulimaina amioga ma faaitiitia mea e tutupu mai i totonu o aoga, lagolago agafesootai faalemafaufau ma le faalelagoga lautele ma o latou lagona atiae, ma puipuia ia aua nei toe afaina se tasi. O la tatou misiona ia faamautinoaina o nei taiala o loo faatinoina ma se tioata agavaa e tilotilo ai i malosiaga taitasi o tamaiti aoga ma aiga ma faaaloalo i a latou tu ma aga faaleaganuu ma measina. 

Ua tuuto atu le Itumalo e lagolagoina tamaiti aoga e ala lea i polokalame ua uma ona saunia e fesoasoani ai e faaitiitia mataupu nei e pei o le tuliese ma le aoga, faamalolo le tumau poo nisi lava tulaga e aveesea ai le tamaititi aoga mai nofoaga faaleaoaoga sei vagana ai tulaga e ono lamatia ai le saogalemu o tamaiti aoga ma le aufaigaluega poo le fesiligia foi o amioga e ono avea ai ma faalavelave i le siosiomaga faaleaoaoga. Silasila i le SFUSD Komiti Faiga Faavae Faatonu 5144 (Amio Pulea) ma le 5144.1 (Faamalolo le tumau ma le Faateaina 

i lona faasologa)

O nisi o suiga taua o faiga faʻavae ua faʻaaogaina e le SSSR e aofia ai manaʻoga e:

• Faatino Auala e Faaleleia ma Fesoasoani ai i le Aoaotetele Tau Aoaoga o Amio Lelei (SWPBIS) ma Faaaogaina o Metotia e toe Faafoisia ai le Atoaga o le Lelei o Mea Uma (RP) i aoga uma;
• Tuuina atu aoaoga ma le lagolagosua mo aoga uma i vaega tau aafiaga faalemafaufau, o le lagolagosua i amioga ma aga e faaitiitia ai feteenaiga, talanoaina le faaituau ma ituaiga eseese, o le alii i le alii, tamaitai i le tamaitai, faatosina atu i iutupa uma e lua(bisexual), suia mai le alii i se tamaitai (transgender), mataupu maaleale i mea tau itupa teine ma tama (queer sensitivity) ma isi agavaa faaleaganuu;
• Atiae se Siata o le Faasologa o le Aoaoina o le Amio Pulea e  tuuina maia ni fautuaga e tatau ona faagaoioi ma faamaumauina ae lei tuuina atu se faamalologa le tumau (vagana ai i nisi tulaga e faaaofia ai le soagalemu);
• E le faatagaina faamalologa le tumau e le faamaumauina po o se fautuaga le faateaina faʻapitoa i luga o le faaavae o le loto i ai e tetee / faalavelave i lalo o le CA Tulafono Faaleaoaoga 48900 (k); 
• Faasaina Faatulafono o “faamalologa le tumau le faamaumauina” o loga uiga e le mafai ona tuliina I le fale se tamaititi aoga ona o ni mafuaaga tau amio pulea e aunoa ma se pepa faamalolo mo le faamalolo le tumau;
• A faamalolo le tumau se tamaititi aoga, ia tuu iai le faatagana e tuli ai lona faasalaga i le Nofoaga Autu o Fautuaga, saunia se konofesi toe ulufale i le maea ai o le faamalolo le tumau e aitae ai se fuafuaga fesoasoani ma fausia ai se auala mo le apili o le faamalolo le tumau; 
• Saunia lelei se faamaoniga o vaavaaiga  loloto, fautuaga i amioga pulea ma meaaoga uma mo le fanau aoga sa maua se faamalologa le tumau mai le faiaoga;
• Aoina ma auiliili faamatalaga faatonutonu e faʻailoa ai faataitaiga ma gaoioiga o amioga pulea ma lipoti faamatalaga tuufaatasi i le faalapotopotoga o  aoga i luga o le uepesaite a le Itumalo ma totonu o le Tusitaulima a Tamaiti Aoga ma Aiga;
• Tuʻuina atu le lagolago faaopoopo ma polokalama i aʻoga ua sili atu le fuainumera o faamalologa le tumau, ma e manaomia e pule aʻoga ona fefaasoaai ma a latou Fesoasoani Lagolago ina ia mautinoa o vaega uma I totonu o le siata ua faamalieina uma ma faamaumau ae lei faamalolo le tumau ai tamaiti aoga Aferika Amelika (poo isi kulupu o tamaiti aoga ua faailoaina mai i faaumaumauga le maoae o le faaletonu o uiga pulea e faaalia);
• Atiae se faiga mo tamaiti aoga ma matua e apili ai mo se toesega pe a fai e lei faatinoina le SWPBIS poʻo le RP i le latou aoga.