3.5.4 Vaega 504

Ole Vaega 504 ole Savali ole Ola Toe Fa’aleleia ile 1973 o se pili ma se tulafono ua pasia ai le puipuia o fanau uma o lo’o iai tulaga ole le atoaatoa ole malosi la le tino ma le mafaufau mai sauaga ma fa’ailoga tagata ona o nei vaivaiga mai so’o se polokalama a le feterale o lo’o maua ai fesoasoani fa’aletamaoaiga,i lalo ole faiga fa’avae o tulafono a le malō tele, I lalo ole Vaega 504, ua iai matafaioi a le matagaluega ina ia tu’uavanoa a’oa’oga maua fua e le totogia i lalo ole  “free appropriate public education” (FAPE) mo fanau uma e agavaa o lo’o maua i nei vaivaiga ole tino ma le mafaufau. 

Ina ia auai i lalo ole puipui’iga ole Vaega 504, e tatau ona fa’amaonia fa’amaumauga e tusa ai ma le le atoaatoa ole malosi la le tino po’o le mafaufau a le tamaititi, o lo’o avea ai nei vaivaiga ma mafua’aga ua le mafai ona auai ile tele o gaioiga fa’aletagata. Mo le tamaititi e agavaa mo lenei auaunaga, tatau ona iai fa’amaoniga, iloiloga ma aiaiga uma ina ia mafai ai ona talisapaia manaoga mo lou alo, ma ia lava tapena ai le aoga ina ia fa’atinoina lenei auaunaga.

A fa’apea o lo’o e masalomia o lo’o iai se vaivaiga la le tino po’o le mafaufau a lou alo ma o lo’o mo’omia se iloiloga fa’apitoa e fa’amaonia ai ina ia auai ile Polokalama ole Vaega 504: 

• Talanoa nei loa ile Pule Aoga a lou alo po’o le tagata ua fa’asino tonu iai le talosaga mo le Vaega 504 ina ia fuafua nei loa se iloiloga. 
• O tulaga masani ai, e tatau ona soālaupule matua/tausi fanau, faiaoga, ma le aufaigaluega a le aoga ma le vaega fa’apitoa ole Coordinated Care Team (CCT) ina ia fa’asoa uma fa’amaumauga e fa’atatau ile tamaititi aoga o lo’o fia auai ile Vaega 504, ina ia fa’amautinoaina ai le moni ma le manaomia o lenei auaunaga. 
• A fa’apea ua mautu mai le iloa a le CCT o lo’o iai vaivaiga ole tamaititi la le tino ma le mafaufau, ona fa’apea loa lea ona talosagaina se fonotaga ina ia iloilo ai tulaga  maoti ole auaunaga e agavaa ai lenei tamaititi. E le’o toe talia na’o se tusi mai le falemi e agavaa ai lou alo, e manomia lava ona fa’atinoina fonotaga ma iloiloga neui ina ia fa’amautinoaina ai lona auai. 
• A fa’ailoa mai loa e le Vaega ole 504 ua mae’a uma ona iloilo ma taupule fa’amaumauga eseese mo lou alo, ma ua taliaina i lalo ole Vaega 504, ona toe iloilo ai lea po’o a ni manaoga po’o auala e mafai ai ona gafatia e le aoga ma le matagaluega le sapasapaia ma le lagolagoina o lou alo a’o iai ile aoga. Ina ia auai i polokalama uma e ono laugatasia uma ai ma isi tamaiti aoga o lo’o auai i silapasi fa’alaua’itele. A fa’apea e agavaa le tamaititi, ole a atinaeina se fuafuaga ina ia talafeagai lelei mo ia  e  tali sapaia ma lagolagoina ai manaoga uma. 

TĀUA: E leai se agatonu ole Vaega 504 i tulaga tau suega mai Univesite ma isi suega e pei ole (f.t.. Advanced Placement, PSAT, SAT, etc.),  ACT po’o se isi lava ituaiga suega ile fa’amama avega mo le tamaititi ona o nei faiga suega o faiga fa’avae e maoti mai lava lona fa’atinoina.  

Mo le fa’agasoloina o ni atugaluega mo le Vaega 504, apili ma iloiloga o aiā tatau, fa’amolemole, tagai ane ile Chapter 7.9 Section 504 Grievance Procedure.