4.5.1 Sauniuni mo Kolisi ma Galuega

E sauni ma lagolago e le SFUSD fanau aoga uma mo tulaga pe a maea aoaoga tulagalua, faataunuu se sini mo se galuega. O fanau aoga uma e aofia ai i latou ma aoaoga faapitoa, faaletino, manaoga o le aoaoina o le gagana, e tatau ona saunia mo se galuega ma soo se tulaga pe a maea aoaoga tulagalua. E ofoina atu e le SFUSD vasega eseese ma polokalame faasauni ai fanau aoga i le faamaeaina o tulaga manaomia mo le resitalaina mo le UC/CSU. E tatau i fanau o loo i aoga maualuga ona ave se vasega o Kolisi ma Galuega, i se kuata aoga se tasi, ao iai i le vasega 9. E folasia atu ai i lea vasega galuega eseese, o auala e mafai ai ona fuafua lelei, o punaoa o loo avanoa mo le sailiina o galuega, avanoa faigaluega, ma tulaga faaleaoaoga e manaomia mo le tele o galuega. E fesosasoani foi lenei vasega i fanau aoga e faataatitia fuafuaga pe a maea aoaoga tulagalua, e aofia ai le sauni atu mo aoaoga i se univesete mo le fa tausaga, poo se kolisi e lua tausaga poo se tusipasi foi mai aoaoga mataeseese poo se galuega mataeseese.

Ole Ofisa o Silapasi ma Fa’atonuga latou te fa’atinoina le a’oa’oina o Matata Eseese po’o le (CTE) ma isi ala fesoasoani. E feso’ota’i lea ’oa’oina o polokalama CTE i totonu o potuaoga a le SFUSD  ma galuega fa’atino o lo’o aofia ai matata eseese ina ia lava tapena fanau aoga mo nei luitau. O nei vasega e fai lava sina faigata lona a’oa’oina, atoa ai ma fa’atonuga maoti, ona o lo’o taumafai ina ia atagia ai galuega po’o matata eseese e 15 o lo’o pito sailia e toatele o fanau uma mai le sitete o Kalefonia, ma ole ala lea ua alai ona fa’afaigata le ausia e fanau o togi mo lenei avanoa, ona o se avanoa e patino lona fa’asinomaga mo i latou o lo’o lava le naunautaiga ma le finau ina ia auai mo lenei avanoa. O polokalama ole CTE e mafai ona fa’aalia ai i fanau aoga ni auala e fesoasoani ai ina ia ausia tulaga o galuega o lo’o manaomia mo galuega matata eseese ma isi lava galuega o lo’o ofoina mai le latou auaunaga mo le polokalama, e aofia ai, a’oa’oga fa’apitoa e talafeagai mo galuega taitasi, malaga fa’alea’oaoga ina ia tagai ma vaai tino ile fa’agasoloina o galuega, fa’asoa ma tagata o lo’o galulue i nei galuega, ma le lesitalaina ina ia maua le avanoa e faigaluega ai ma a’oa’oina ina ia lava le tomai ma le agavaa mo le lumanai.  

Ole Ofis ole A’oa’oina o Matata Eseese a le SFUSD, latou te lagolagoina fanau uma o lo’o fia sailiili mo nei ala fesoasoani ina ia  lava le tomai ma le iloa e fa’atinoina ai nei galuega, e pei ole fesoasoani i fanau e saili galuega mo le lumanai, taumafai lea ina ia fa’aleleia atili le tomai i galuega tau matata eseese, fa’apea le ave vave o mataupu mo le kolisi maualuga ina ia vave fa’ailo ai ni ala fesoasoani e talafegai. Ole matou naunautaiga, ina ia lava tapena alo ma fanau o le matagaluega mo luitau eseese ole a fa’apena ona fotua’i mai pea i’u mai le SFUSD, po’o mea ane o aoga maualuluga, po’o galuega i totonu o San Francisco, ina ia tupuolaola ma so’o se fa’aiuga ma filifiliga latou te faia ina ia manuia ai mo le agai i luma. 

Soālaupule ma le ofisa o fa’asinoala ma lesitala, pe fa’asoa ma le faufautua mai lou aoga, mo fa’amatalaga fa’aopopo mo avanoa e mafai ai ona e filifilia ai se ala fesoasoani mo galuega e talafegai mo oe, po’o se avanoa e mafai ai ona e lesitala mo aoga e fa’atatau mo nei avanoa, aemaise ai po’o a ni mataupu ma vasega e ao ona e aveina ina ia mafai ai ona e maua lenei avanoa ina ia fa’afaigofieina ai le lesitala mo univesite ma kolisi maualuluga.

Asiasi mai ile tuātusi tafailagi ole College and Career Readiness, ma le tuātusi tafailagi mai le SFUSD ole Career Technical Education.