4.7.1 Agavaa mo Gaioiga Faaopoopo e o Gatasi ma Mataupu Aoaoina

Ina ia agavaa e auai i gaioiga faaopoopo ma gaioiga e o gatasi ma mataupu aoaoina, e tatau i fanau aoga o vasega 7-12 ona faaalia le alualu i luma i taumafaiga faaleaoaoga i vasega na lumanai atu, e aofia ae le gata ai: (1) Faatumauina o togi aofai (GPA) i le va o le 2.0 ma 4.0 i vasega uma e resitala ai; (2) Faatumauina le alualu i luma, e agai atu i le ausiaina o tulaga manaomia mo le faauuina mai le aoga maualuga.

E foai atu e le Pule Sili poo le ua tofia i fanau aoga e le agavaa, se taimi e nofo vaavaaia ai e le sili atu ma le tasi le kuata aoga. O fanau e ono agavaa mo lea vaitaimi vaavaaia, e tatau ona ausia tulaga faatonuina i le faaiuga o le vaitaimi vaavaaia, ina ia mafai ai ona faatumau o lo latou agavaa e auai ai. (Tulafono 6145 a le Pulega a le SFUSD)

Soo se faaiuga e faatatau i le agavaa o fanau e leai ni aiga, talavou o loo tausia i nisi aiga, poo fanau a aiga o loo iai i le militeri, mo gaioiga faaopoopo pe o gatasi ma mataupu aoaoina, e tatau ona faia e le Pule Sili poo le ua tofiaina, e tusa ai ma le Tulafono 48850 ma le 49701 a Aoga a Kalefonia.

I le auai ai i gaioiga faaopoopo i mataupu aoaoina, i totonu poo fafo atu o le aoga, e tatau i fanau aoga uma a le itumalo ona usitaia tulafono ma aiaiga a le itumalo i amio talafeagai. O soo se fanau e solia tulafono ma aiaiga a le itumalo, e aafia i fono aoai e aofia ai ae le faagataina i le faamalolo le tumau, faateaina, poo le le taliaina e toe auai i gaioiga faaopoopo ma gaioiga o gatasi ma le faaleaoaoaga, e tusa ai ma le tulafono ma aiaiga a le Pulega. (Tulafono 6145 a le Pulega a le SFUSD)