3.6.2 E maua fua le auaunaga e fa’liliuina le gagana ma talatalanoaga

Ole vaega po’o le iunte ole Fa’aliliuina o Gagana ma Talanoaga latou te fa’aliliuina uma fa’amaumauga mai le matagaluega o lo’o fa’apena ona tufaina atu i aiga, ma o lo’o fa’aliliuina le tele o gaioiga eseese e pei ona tutupu i totonu ole matagaluega pei o fonotaga a le Lalulauafono a le Matagaluega o Aoga, fono a le ELAC, SSC ma fono a le IEP. Mo Matua/Tausi Fanau e le’o atoatoa le gagana Igilisi po’o limiti foi ile gagana tautala ( Limited English proficiency LEP), e mafai ona latou talosagaina se tagata mai le matagaluega e fa’atinoina lenei auaunaga pe talosagaina foi i luga o le tuātusi tafailag a le matagaluega.

Mo le talosagaina o lenei auaunaga, fa’atumu ane le tusi talosaga mo Le Gagana Tu’usa’o o lo’o Fa’aaogaina (maua ile mataupu 3.6.3 ma le 3.6.4). Mafai ona fa’atumuina i lau lava gagana nei tusi talosaga ma ole mae’a ai, ona toe fa’afoi lea ile faiaoga a lou alo po’o se isi ole aufaigaluega a le aoga. Pe fa’atumu ane ile tuātusi tafailagi lenei lau talosaga, ile “Free Translation and Interpretation Services” i lalo ole vaega ole https://www.sfusd.edu/es/node/4533/servicios-de-traduccion-e-interpretacion-para-las-familias

A fa’apea o lo’o iai sau fa’aseā e fa’atatau i lenei auaunaga ole fa’aliliuina ole gagana, fa’atumu ane se tusi talosaga e fa’aalia mai ai lau fa’aseā po’o sau faitioga i lau gagana, ona fa’afoi laia ile aoga a lou alo. O lo’o i luga ole tuātusi tafailagi a le matagaluega lenei tusi talosaga ile lalo ole mataupu 3.6.5.

E le taliaina e le matagaluega i latou e lei fa’amaonia e le matagaluega ona fa’atinoina lenei auaunaga (pei o fanau aoga ma isi tamaiti), ma e le mafai ona fa’aaogaina ile fa’aliliuina ole gagana sei vagana ai o se fa’alavelave fa’afuase’i.