5.2.1 Pili o le Aia Tatau o Fanau Aoga

E faigata le lisiina uma atu o aia tatau a fanau aoga. O lea, e le tatau ona faauigaina sese le lisi o aia tatau o loo i lalo ifo, ina ia faasaina pe taofia ai soo se tamaitiiti aoga, i totonu o lo latou lava lotoa aoga, ma lo latou agavaa e avea ai ma se sui o le aoga poo se tofiga i le taitaiga a le aoga.

E iai le aia tatau o le tamaitiiti aoga i le:

1. aoaoga talafeagai, e avea ma se tulaga faatauaina ia te ia lava ma lona olaga atoa
2. faatumauina o vaega faatulagaina o aoaoga maualuga. E tatau ona atinae le taumafai maualuga o le tamaitiiti aoga. E iai le aia tatau o le tamaitiiti aoga e faasilasila ai soo se suega mo taumafaiga maualuga, e vaetamaina e le Pulega o Aoga.
3. mataupu aoaoina talafeagai ma le aia tatau e faaleo ai o latou manatu i auala e toe faaleleia ai nei mataupu aoaoina.
4. saogalemu faaletino ma le puipuia o a latou meatotino
5. saogalemu o faleaoga ma le mama o nofoaga e faaaoga
6. talanoaga ma faiaoga, faufautua ma le pulega, ma soo se isi lava e iai se sootaga ma le aoga.
7. faaaloalo mai faiaoga ma le pulega, e le tatau ona iai ni uiga saua poo ni faasalaga le masani ai, aemaise i latou e faalumaina ma faamaasiasi, poo le faaleagaina o le taua o le tagata poo le tuu eseeseina o se isi mai i isi tagata o le vasega.
8. saoloto e filifili soo se isi o uo poo tamaiti aoga e avea ma taitai, ma le aia tatau e avea ai foi o ia o se taitai o le aoga.
9. iai se sui e faaleoina o latou manatu i totonu o komiti poo isi pulega a le aoga, i tulaga e faataua ai aia tatau o fanau aoga
10. auai i le fausiaina o tulafono ma aiaiga, e aafia ai lo latou aia tatau, poo le iai foi o le aia tatau e iloa ai tulafono ma aiaiga faataatitia.
11. vaai i o latou faamaumauga faaletagata, faamaumauga o meaaoga, ripoti o vasega ma isi, e tusa ai ma ia ogatasi ma le tulafono a Aoga a le Setete o Kalefonia (Vaega 49061-49078), ma ia faailoaina mai pe a iai ni faamatalaga le lelei e tuuina i totonu o nei faamaumauga.
12. auai i gaioiga a le aoga pe a tusa ai ma finagalo, e aunoa ma faailogaina ese, aemaise lava pe a ogatasi aga ma tulafono faataatitia e faalapotopotoga e lagolagoina nei gaioiga.
13. mafai ona talosaga, pe fai ni faitioga i le pulega o le aoga ma maua ni uunaiga poo ni tali mai i le pulega e tusa ai ma faitioga poo talosaga na tuuina atu.
14. e le faasalaina i soo se auala e le pulega o le aoga ona o a latou talitonuga, ae aua lava nei soliina le aia tatau o isi.
15. faaaogaina o latou aia tatau e tusa ai ma faavae o le atunuu, e puipui ai lo latou saolotoga e saunoa ai ma le aia e potopoto ai. E le tatau ona faasalaina se tasi i lona faaleo o ona manatu, vagana ai pe a faaaoga gagana mataga, taufaaleaga poo le faamalosi, faaoso ai se savali manino e le saogalemu ma le tusa ai ma le tulafono i totonu o le lotoa a le aoga, ma solia ai foi tulafono a le aoga, pe faatupu ai faafitauli ma le vevesi le talafeagai i le siosiomaga a le aoga. E mafai ona faasala le tamaitiiti i le saua, ae le mafai ona faasala se tamaitiiti i le lafoina o ni upu faamanua loto ma faatiga i se isi, ona o le saolotoga o gagana. O loo faamanino mai e le Tulafono a Aoga a le Setete o Kalefonia Vaega 48907, le aia tatau a fanau aoga e:
    • laei ai pine, taulima ma soo se pine poo faailoga e iai uiga faaupufai
    • faaaoga pine ua faatonuina e le puleaoga, e aunoa ma ni faatulagaga poo se faamaoniga ma le Pulega o Aoga.
    • tufatufaina atu soo se tusitusiga poo nusipepa faaupufai, i totonu poo fafo atu o le lotoa a le aoga, e aunoa ma se faatagaga, sa mai le pulega a aoga, ae vagana ai, ia mautinoa e faia nei tulaga i totonu o taimi faatulagaina, ae le’i amataina le aoga, tuua, taimi o le vaiaiga poo nisi piriota avanoa e le faia ai ni vasega, ina ia leai se faalavelave i vasega ma isi gaioiga faaleaoga.
    • fausia faalapotopotoga faafegalegaleai poo le faaupufai.
    • fuafuaina e i latou lava o latou foliga vaaia, vagana ai pe a le talafegai ma faalavelave i le aoga pe le saogalemu foi nei foliga vaaia
    • ia talafeagai le faaaogaina o tulaga mo faasalalauga lautele i totonu o le aoga; o le taimi mo faasilasilaga e tatau ona nao le amataga o le aoga, taimi o le vaiaiga poo piriota e leai ni vasega, ina ia leai se faalavelave i le taimi e faia ai vasega.