4.9.3 Atoaoga Faaletekinolosi ma le Atamai a le SFUSD

Ole tele o polokalama ua fa’atagaina lona fa’aaogaina mo le a’oa’oina o fanau i luga o a’upega tafailagi, e mafai ona e maua ile SFUSD Digital Backpack, ma o lo’o fa’agasoloina e le polokalama ole Clever.

E mafai e faiaoga ona faaopoopo ai a latou upega tafailagi, o tusitusiga ma ala o fessotaiga i a latou itulau o le Atamai, ma e mafai foi ona faaaoga le Atamai ma isi polokalame faaleaoaoga. E mafai ona faaaoga e faiaoga le Google Classroom ma le Synergy e tuu i ai i luga faamatalaga o mataupu aoaoina, e pei upega tafailagi, tusitusiga ma ala o fesootaiga.

Mafai ona e tagai ile SFUSD Digital Backpack i luga ole clever.sfusd.edu, ma e tatau oa fa’aaogaina e fanau aoga a latou imeli ma upu fa’alilolilo ina ia auai ai. E mafai e fanau aoga i vasega K-3 ona faaaoga a latou numera QR patino e faaaoga ai nei polokalame, e tufatufaina atu e faiaoga. Mo nisi faamatalaga o le auala e maua ai faamatalaga i le faaaogaina o imeli SFUSD a lou alo, faamolemole asiasi ane i le upega tafailagi, bit.ly/sfusdglogin.

• O fanau aoga uma e iai a latou tuatusi o le Google i le SFUSD, e iai foi a latou tuatusi i le polokalame o le Atamai (Clever).
• E mafai ona faaaogaina e fanau aoga lenei polokalame e ala i le oomiina o le “log in with Google” ma ta i totonu o latou igoa faaaogain ma numera/upu nana.
  • E mafai e fanau ona faatalosagaina atu i o latou faiaoga a latou igoa faaaoga ma numera/upu nana.
  • O nisi auala, e mafai e le tausia le fanau ona sueina igoa faaaoga ma numera/upu nana o le Google ma le ParentVUE.
  • E nao faiaoga ma tausi fanau e mafai ona mauaina igoa faaaoga ma numera/upu nana: pe a sui e se tamaitiiti aoga lana numera/upu nana ma ua le mafai ai ona faaaoga lana tuatusi, ia faailoa e le faiaoga e faafesootai le Ofisa o Fesoasoani o Tekinolosi e faatalosaga i ai le toe setiina o le numera/upu nana.
• E mafai e fanau aoga o vasega PK, TK, K, 1,2 ma le 3 ona faaaoga le polokalame a le Pine o Atamai (Clever Badges), e ala atu i o latou faiaoga.
  • E mafai e fanau aoga ona faaaoga a latou pine e faaaoga ai polokalame a le Google e ala i upega tafailagi o loo i luga o le Atamai, ae e nao Chromebooks, Masini komepiuta (PCs ma Macs) e mafai ai ona faaaoga ai.
  • E le mafai ona faaaoga polokalame a le Google i luga o masini iPads.
• O le tele o polokalame a le Atamai (Clever), e le manaomia ai ni igoa faaaoga ma numera/upu nana eseese – o le tulaga lelei lena o le polokalame a le Atamai! – ae o nisi polokalame e manaomia pea tulaga nei.

O le polokalame o le Atamai (Clever), sa mamanuina mo fanau aoga ma faiaoga, ae e le mo tausi fanau, ae e mafai ona e fesili i lou alo e faaali atu ia te oe lana tuatusi.