5.1.3 Vaega Taua o Aoaoga/Faamalosia o le Manuia o Tu ma Aga

E tatau i aoga uma a le SFUSD ona tautino i:

1. Aoaoga Ogaoga: Auai i Mataupu Aoaoina, Faatonuga ma Suesueina o le Malamalama

O fanau aoga uma e auai i le aoaoina e le taumate le le auai i amio le talafegai. E lagolagoina le atinaeina o amio tatau e ala i le aoaoina o mataupu i se auala ogaoga, ia iai se faavae o tulaga aoaoina, ma ia iai se uiga. O lesona uma e faavae i fesili tatau ma le taua, ia talafeagai foi ma aganuu ma vaega e fesootai ma olaga o le fanau aoga.

2. Lagolago Tu ma Aga Talafeagai

E faauigaina le lagolagoina o tu ma aga talafeagai, o faamoemoega tatau ma le tali atu i tu ma aga a le fanau. E aoaoina ma faataitai ma faaaogaina tulaga faatauaina, ma amioga tatau i totonu o aoga a le SFUSD i aso taitasi.

3. Fausiaina o aai & Toefuataiga o Faiga (RP)

O le fausiaina o aai ma le toefuataiga o Faiga (RP) o se polokalame e talanoaina ai faafitauli i tu ma aga a fanau aoga, i totonu o aoga a le SFUSD. E faavae le Fausiaina o aai ma Toefuataiga o Faiga i mataupu taua ma auala e faamamafa ai le taua o fegalegaleaiga lelei i le fausiaina o aai ma toe faaleleia ai fegalegaleaiga pe afai ua iai se sese.

O faiga masani i le fausiaina o aai, e pei o lio, e faaaoga i le atinaeina o fegalegaleaiga, fausia aai ma fausia le faatuatuaina i le va ma isi, ina ia avea ma faavae mautu i taimi e iai ni faafitauli ma manaomia ai le toefaaleleia. E faaaoga Lio o Fuataiga e toe faaleleia ai se leaga. E toe faaataata mai e le Fausiaina o aai & RP le taua o faia ua faataatitia e le SFUSD – i le va o fanau aoga ma le va o faiaoga ma fanau aoga. O lenei taumafaiga, e saunia ai le avanoa mo fanau e atinae ai le puleaina o latou lava ma aga talafeagai i se siosiomaga alofa ma le lagolagoina. E silasila le Fausiaina o aai & RP i le amataga o le faafitauli, na mafua ai le manua poo se aafiaga i tagata ma fegalegaleaiga, ma faamamafa ai le faamuamua o le ausia o tulaga manaomia o i latou e aafia i lenei faafitauli. E silasila le toefuataiga faaleaoaiga i lea faafitauli, o se avanoa mo fanau aoga e aoao ai i le taui poo le faaiuga o a latou tu ma aga, atinae se lagona alofa mo isi ma ia maua le avanoa e iloa ai toe faaleleia va ma isi, ma faamalosia le va fealoai na manua, i totonu lava o le aai.