4.6 Tulaga Tatau on Faataunuu e Ausia ai le Ulufale i le Iunivesite a le Setete o Kalefonia, ma le Iunivesite a Kalefonia.

E tatau i fanau aoga uma e apalai mo ni avanoa i le Iunivesite a le Setete o Kalefonia (CSU) poo le Iunivesite a Kalefonia (UC), e tatau ona faamaeaina matapu/vasega e 15 mai aoga maualuluga o loo iai i le lisi o loo i lalo ifo. O fanau aoga e faamaea tulaga faataunuuina mo le Faauuga a le Aoga Maualuga MA maua se togi mataitusi o le C pe sili atu i nei vasega, e ausi tulaga tatau e le itiiti ifo mo le agavaa e auai i le UC/CSU. E iai lisi o mataupu e agavaa ai i le CSU ma le UC i aoga maualuluga uma o le SFUSD; e mafai e fanau aoga ona fesili atu i faufautua o aoga.

E iai foi tulaga tatau a le CSU ma le UC e agavaa ai, e faavae i Togi Numera Aofai (GPA) ma togi o le Suega o Iloiloga Faaleaoga (SAT)/ Suega mo Kolisi a Amerika (ACT). Mo faamatalaga auiliili o vaega faataunuu mo le taliaina ma le ulufale i le CSU, silasila ane i le upega tafailagi o le www.universityofclaifonia.edu/admissions.

Faasologa o Vasega e 15: a-g Tulaga e Tatau ona Faataunuu mo Mataupu

a. Talaaga/Faasaeanisi Lautele: 2 tausaga e manaomia

Lua tausaga o talaaga/faasaeanisi lautele, e aofia ai le tasi tausaga o talaaga o le lalolagi, aganuu ma laufanua; tasi le tausaga o Talaaga o Amerika poo le afa-tausaga o talaaga o Amerika ma le isi afa tausaga o Aia Tatau ma Tiute o Tagatanuu poo le Faigamalo a Amerika.

e. Gagana Peretania: 4 tausaga e manaomia 

Fa tausaga i vasega o le gagana peretania, faasauniuni mo le kolisi, e aofia ai le tusitusi i taimi faisoo ma faitauina o tusitusiga tuai ma faaonopo nei. E le mafai ona ausia tulaga tatau nei i le nao le lua kuata aoga o mataupu o le Gagana Peretania i le vasega 9. E nao le tasi le tausasa o aoaoga ELD o le Gagana Peretania e faatagaina ma faitaulia i togi o le vasega Gagana Peretania.

i. Matematika: 3 tausaga e manaomia (4 tausaga e fautuaina e le UC)

Tolu tausaga o matematika faasauniuni mo le kolisi e aofia ai autu o loo aoaoina i aoga maualalo ma le Algebra maualuga ma le lua-ma-le-tolu-dimensional geometry.

o. Suesuega Faasaeanisi: 2 tausaga e manaomia (3 tausaga e fautuaina e le UC) 

Lua tausaga o suesuega faasaeanisi, ma saunia tomai se lua i aoaiga nei e tolu: biology (aofia ai le anatomy, physiolgy, marine biology, aquatic biology, ma isi.), chemistry ma le physics.

u. Isi Gagana e Ese mai le Gagana Peretania: 2 tausaga e manaomia (3 tausaga e fautuaina e le UC)

Lua tausaga o le gagana e tasi, e ese mai le Gagana Peretania. E tatau ona faamamafa i vasega le tautala, malamalama, e aofia ai le faatulagaina o le gagana, upu, faitau, fatuga ma le aganuu. O gagana e ese mai le faaperetania e aoaoina i vasega 7 ma le 8, e mafai ona faaaogaina e faatumu ai lea tulaga tatau, pe a talia e le aoga maualuga ia vasega e sui tulaga ma vasega manaomia.

f. Fa’atufugaga va’aia ma le Fatufugaga Fa’atino (VPA): tasi le tausaga e mo’omia

E tatau ona tasi le tausaga ole fa’atufugaga va’aia ma le fa’atino e filifilia mai vaega nei: Siva, Musika, Fale mata’aga, fa’atufugaga va’aia ma le po’o le fa’atufugaga o le amio pulea - po’o le atoa o vasega e lua ona tauave ile kuata e tasi ma i vaega uma nei.

g. Isi Vasega e Filifilia e Faasauniuni ai mo le Kolisi: 1 le tausaga e manaomia

Tasi le tausaga (lua kuata aoga) e manaomia ma faataga mai i se vasega A-G.

Tusi mai le CSU:

E tatau ona pasia vasega uma (tusa lava poo a fea e aveina ai), i le togi mataitusi o le C pe sili atu.

E ono suia tulaga e tatau ona faataunuuina mai lea tausaga ma lea tausaga. Faamolemole e siaki faamatalaga o loo i luga o tusitusiga o tulaga faataunuuina poo upega tafailagi a le CSU. Mo nisi faamatalaga e uiga i tulaga ulufale o le CSU, silasila ane i le upega tafailagi o le www.csumentor.edu

Tusi mai le UC:

O nisi auala e mafai ai ona ausia le ulufale atu i le UC, e mafai ona e talanoa atu i lou faufautua o le aoga maualuga. Mo nisi faamatalaga, silasila ane i le upega tafailagi o le http://admission.universityofcalifornia.edu