5.5.5 Mga Patakaran para sa Kaligtasan sa Bus

Pribilehiyo ang pagsakay sa dilaw na school bus papunta at mula sa paaralan. Kailangang sundin ng estudyante ang mga patakaran o mawawala ang pribilehiyong ito. Inaasahan sa mga estudyante na sumasakay ng bus na: 

• Dumating sa oras sa bus stop (hintuan ng bus).
• Magpakita ng wastong asal sa bus stop. Kasama na rito ang pananatili malapit sa lugar ng bus stop, hindi pagpunta sa pribadong pag-aari, at hindi paggambala sa mga halaman o palumpung (shrub). Bahagi ng hurisdiksiyon ng paaralan ang mga bus stop at nasasakop ito ng lahat ng patakaran ng paaralan.
• Sundin ang drayber ng bus.  

Mga Patakaran At Nararapat Na Pag-Asal Sa School Bus 

1. Kailangang sumunod ang mga estudyante sa mga patakaran para sa kaligtasan.
2. Hindi dapat manira ang mga estudyante ng mga pag-aari.
3. Hindi dapat mag-away, magtulukan, o mampatid ang mga estudyante.
4. Hindi dapat kumain, uminom, o magkalat ang mga estudyante sa bus.
5. Hindi dapat gumamit  ang mga estudyante ng hindi katanggap-tanggap na wika. 
6. Kailangang manatiling naka-upo ang estudyante hanggang sa makarating ang drayber ng bus sa bus stop, at nabuksan na ang pintuan ng bus.  

Mga Konsekuwensiya O Kahihinatnan

Ipatutupad ang mga sumusunod na konsekwensiya o kahihinatnan para sa hind magandang pag-asal ng estudyante sa school bus:

• Unang Paglabag
  • (A)  Kumperensiya kasama ang estudyante.
  • (B)  Aabisuhan ang magulang/tagapatnubay/tagapag-alaga.
  • (C)  Magkakaloob ng dokumentong nagbibigay-babala (warning citation).
• Ikalawang Paglabag
  • Restoratibong kumperensiya kasama ang estudyante at ang magulang/tagapatnubay (at iba pang naaapektuhan ng asal ng estudyante).
• Ikatlong Paglabag
  • (A)  Nakasulat na notipikasyon sa magulang/ tagapatnubay/ tagapag-alaga.
  • (B)  Hindi pagkakaloob ng transportasyon nang 3-5 araw.
• Ika-apat na Paglabag
  • Matapos makapagbigay-abiso sa magulang/ tagapatnubay/ tagapag-alaga, permanenteng suspensiyon mula sa lahat ng transportasyong bus ng SFUSD sa natitira pang bahagi ng akademikong taon.